សប្តាហ៍ទី 39 នៃការមានផ្ទៃពោះរបស់អ្នក៖ ការណែនាំអំពីការថែទាំ

Week 39 of Your Pregnancy: Care Instructions

គន្លឹះសម្រាប់សប្តាហ៍ទី 39 នៃការមានផ្ទៃពោះ

ត្រៀមខ្លួនក្នុងការបំបៅកូនដោយទឹកដោះ

• បន្តបរិភោគអាហារដែលធ្វើឱ្យមានសុខភាពល្អ។

• បន្តលេបថ្នាំវីតាមីនមុនពេលសម្រាលរបស់អ្នកក្នុងអំឡុងពេលការបំបៅកូនដោយទឹកដោះ ប្រសិនបើវេជ្ជបណ្ឌិតរបស់អ្នកណែនាំឱ្យលេប។

• ពិគ្រោះជាមួយវេជ្ជបណ្ឌិតរបស់អ្នក មុនពេលអ្នកប្រើថ្នាំ ឬថ្នាំបំប៉នណាមួយ។

ជ្រើសរើសការពន្យាកំណើតដែលត្រឹមត្រូវសម្រាប់អ្នក។

• កងដាក់ក្នុងស្បូន (IUDs) គឺត្រូវដាក់នៅក្នុងស្បូន។ ប្រសិនបើអ្នកគ្រោងទុកជាមុនរួចហើយនោះ IUD អាចដាក់បានភ្លាមៗបន្ទាប់ពីឆ្លងទន្លេ។ វាប្រើបានរាប់ឆ្នាំ។

• ការបណ្ដុះបន្សាំអរម៉ូន គឺត្រូវដាក់នៅក្រោមស្បែកនៃដៃ។ វាក៏ប្រើបានរាប់ឆ្នាំផងដែរ។

• Depo-Provera គឺជាការចាក់។ អ្នកត្រូវចាក់វានៅរៀងរាល់ 3 ខែម្ដង។

• អាចប្រើប្រាស់ថ្នាំពន្យាកំណើតបាន។ ថ្នាំត្រូវលេបជារៀងរាល់ថ្ងៃ។

• ការចងដៃស្បូន (ចងដៃស្បូនរបស់អ្នក) និងការវះកាត់យកបំពង់ទឹកកាមចេញ គឺជាការពន្យាកំណើតជារៀងរហូត។ វិធីសាស្ត្រទាំងនេះ គឺជាការពន្យាកំណើតអចិន្ត្រៃយ៍។

• គម្រងស្បូនសម្រាប់ការពារកំណើត ថ្នាំសំលាប់មេជីវិតឈ្មោល និងស្រោមអនាម័យ ត្រូវតែប្រើគ្រប់ពេលដែលអ្នករួមភេទ។ ប្រសិនបើអ្នកធ្លាប់ប្រើគម្របស្បូនការពារកំណើតពីមុន អ្នកគួរតែប្រើវាឡើងវិញបន្ទាប់ពីទារកចាប់កំណើត។

ការ​ថែទាំតាមដាន​ គឺជា​ផ្នែកមួយដ៏សំខាន់ សម្រាប់ការព្យាបាល និង​សុវត្ថិភាព​របស់អ្នក។ សូមប្រាកដ​ថា អ្នកណាត់ជួប និងទៅជួបគ្រូពេទ​គ្រប់ពេល និង​ទូរស​ព្ទទៅ​វេជ្ជបណ្ឌិត​របស់អ្នក​​ប្រសិនបើអ្នក​មានបញ្ហា។ វាក៏ជាគំនិតមួយល្អដែរក្នុងការដឹងអំពីលទ្ធផលធ្វើតេស្តជំងឺ​របស់អ្នក និងរក្សាទុកបញ្ជីថ្នាំដែលអ្នកប្រើ។

បច្ចុប្បន្នជា: 4 តុលា 2023

កំណែមាតិកា: 14.0

ការណែនាំអំពីការថែទាំដែលត្រូវបានកែសម្រួលក្រោមអាជ្ញាប័ណ្ណដោយ អ្នកជំនាញថែទាំសុខភាពរបស់អ្នក។ ប្រសិនបើអ្នកមានសំណួរអំពីស្ថានភាពសុខភាព ឬការណែនាំនេះ សូមសួរអ្នកជំនាញថែទាំសុខភាពរបស់អ្នកជានិច្ច។ Healthwise, Incorporated បដិសេធការធានា ឬការទទួលខុសត្រូវណាមួយសម្រាប់ការប្រើប្រាស់ព័ត៌មាននេះរបស់អ្នក។