Polip Kolon: Enstwiksyon Swen Sante
Colon Polyps: Care Instructions
Enstriksyon pou Swen Ou
Polip kolon se kwasans nan kolon an oswa nan rektòm nan. Nou pa konnen sa ki lakòz pifò polip kolon,
epitou pifò moun ki genyen yo pa gen okenn pwoblèm. Men yon sèten kalite kapab tounen kansè. Pou
rezon sa a, tès regilye pou polip kolon enpòtan pou moun ki gen laj 50 tan ak plis ak pou nenpòt
moun ki gen plis risk pou gen kansè kolon.
Anjeneral, yo jwenn polip yo nan tès depistaj woutin pou kansè kolon. Menmsi pifò polip kolon pa
lakòz kansè, anjeneral doktè a retire yo epi li teste yo pou kansè. Tès depistaj pou kansè kolon
sove lavi moun paske kansè a kapab trete anjeneral si yo jwenn li bonè.
Si ou gen yon polip ki se kalite ki tounen kansè, ou ka bezwen plis tès pou egzamine kolon an nèt.
Doktè a ap retire nenpòt lòt polip li jwenn, epi l ap teste ou pi souvan.
Swen siplemantè se yon pati enpòtan nan tretman ak sekirite ou. Sonje pou pran tout randevou
yo epi pou ale ladan yo, epitou rele doktè ou si ou gen pwoblèm. Se yon bon lide tou pou konnen
rezilta tès ou yo, epitou pou konsève yon lis medikaman w ap pran yo.
Kijan ou kapab pran swen tèt ou lakay ou?
Egzamen regilye pou chèche polip kolon se pi bon fason pou evite polip yo tounen kansè kolon. Kèk nan
egzamen sa yo se tès poupou, sigmoyidoskopi, kolonoskopi, ak kolonografi CT. Pale avèk doktè ou
konsènan yon kalandriye tès ki bon pou ou.
Pou evite polip
Pa gen tretman nan kay ki kapab evite polip kolon. Men etap sa yo ka ede bese risk pou gen kansè.
-
Toujou fè egzèsis. Si ou fè egzèsis fizik sa kapab ede ou jwenn ak kenbe yon gwosè ki bon pou
sante ou. Eseye fè egzèsis nan pifò jou semèn nan. Mache se yon bon chwa.
-
Manje byen. Chwazi anpil kalite legim, fwi, plant legim (tankou ti pwa ak pwa), pwason, vyann
bèt volay, ak grenn konplè.
-
Pa fimen. Si ou bezwen èd pou kite fimen, pale avèk doktè ou konsènan pwogram ak medikaman ki
pou fè ou sispann fimen. Bagay sa yo kapab ogmante chans pou kite fimen toutbon.
-
Si ou bwè alkòl, limite kantite w ap bwè a. Gason yo dwe bwè sèlman 2 vè alkòl pa jou epi fanm
yo dwe bwè 1 vè alkòl pa jou.
Kilè ou ta dwe rele pou mande èd?
Rele doktè ou kounye a oswa chèche swen medikal imedyatman si:
Siveye deprè pou chanjman nan sante ou, epitou asire ou kontakte doktè ou si:
-
Ou gen lafyèv.
-
Ou gen kèplen oswa vomisman.
-
Ou gen yon chanjman nan abitid poupou ou (nouvo konstipasyon oswa dyare).
-
Sentòm ou yo vin grav oswa yo pa amelyore jan ou espere sa.
Ajou nan dat: 19 October 2023
Vèsyon kontni: 14.0
Adapte anba yon lisans Enstriksyon pou swen pwofesyonèl swen sante w la Si w
gen kesyon sou yon maladi oswa enstriksyon sa a, toujou mande pwofesyonèl swen sante w la.
Healthwise, Incorporated voye jete tout garanti oswa responsablite pou itilize ou itilize enfòmasyon
sa yo.