ការសេពគ្រឿងស្រវឹង, គ្រឿងញៀន, ឬសារជាតិពុលចំពោះកុមារ៖ការណែនាំអំពីការថែទាំ

Alcohol, Drug, or Poison Ingestion in Children: Care Instructions

ទិដ្ឋភាពទូទៅ​

ក្មេងអាចឈឺខ្លាំង ឬស្លាប់បាន បន្ទាប់ពីផឹកគ្រឿងស្រវឹង គ្រឿងញៀន ឬជាតិពុល។

ជាតិអាល់កុលមាននៅក្នុងស្រាបៀរ ស្រា និងគ្រឿងស្រវឹង។ ប៉ុន្តែវាក៏មាននៅក្នុងទឹកខ្ពុរមាត់ និងអាហារចម្រាញ់ផងដែរ។ ក្មេងអាចធ្លាក់ខ្លួនឈឺ ក្រោយពីលេបបានតែបន្តិចប៉ុណ្ណោះ។

ថ្នាំរួមមានថ្នាំដែលគ្មានវេជ្ជបញ្ជា (ដូចជាអាស្ពីរីន ឬអាហ្វេតាមីណូហ្វេន) និងថ្នាំតាមវេជ្ជបញ្ជា។ ថ្នាំទាំងនេះក៏រួមបញ្ចូលនូវវីតាមីន និងសារធាតុបន្ថែមផងដែរ។ ហើយថ្នាំខុសច្បាប់ទាំងនេះរួមមានដូចជា កូកាអ៊ីន និងហេរ៉ូអ៊ីន។

ហើយជាតិពុល គឺនៅជុំវិញយើង។ ជាតិពុល​ទាំងនោះ​រួមមាន សារធាតុលាងសម្អាតផ្ទះសម្បែង គ្រឿងសម្អាង និង​សារធាតុ​គីមីសម្រាប់សួនច្បារ។

វិធីល្អបំផុតដើម្បីការពារកូនរបស់អ្នក គឺត្រូវប្រាកដថាជាតិអាល់កុល ថ្នាំ និង​ផលិត​ផល​ប្រើប្រាស់ក្នុងផ្ទះទាំងអស់ត្រូវបានរក្សាទុកមិនឱ្យមើលឃើញ។ នេះជាពេលវេលាដ៏ល្អដើម្បីពិនិត្យមើលជុំវិញ​ផ្ទះរបស់អ្នក ដើម្បី​ឱ្យប្រាកដថា​កូន​របស់អ្នកមិន​អាចយករបស់ទាំងនោះបាន។

វេជ្ជបណ្ឌិតបានពិនិត្យកូនរបស់អ្នកយ៉ាងប្រុងប្រយ័ត្ន ប៉ុន្តែបញ្ហា​អាច វិវត្តនាពេលក្រោយ។ ប្រសិនបើអ្នកកត់សម្គាល់ឃើញមានបញ្ហា ឬ​រោគសញ្ញាថ្មីៗ សូម​ទទួល​ការ​ព្យាបាល​ភ្លាមៗ។

ការ​ថែទាំតាមដាន​ គឺជា​ផ្នែកមួយដ៏សំខាន់សម្រាប់ការព្យាបាល និង​សុវត្ថិភាពកូន​របស់អ្នក។ សូមប្រាកដ​ថា អ្នកណាត់ជួប និងទៅជួបគ្រូពេទ​គ្រប់ពេល និង​​ទូរស​ព្ទ​ទៅ​វេជ្ជបណ្ឌិត​របស់អ្នក ​​ប្រសិនបើអ្នក​មានបញ្ហា។ វាក៏ជាគំនិតល្អមួយផងដែរ ដើម្បី​ដឹងអំពីលទ្ធផលតេស្តរបស់កូនរបស់​អ្នក និង​រក្សាទុកបញ្ជីថ្នាំដែលកូនរបស់អ្នកប្រើ។

តើអ្នកអាចថែទាំកូនរបស់អ្នកនៅផ្ទះបានតាម​របៀបណា?

• អនុវត្តតាមការណែនាំរបស់វេជ្ជបណ្ឌិតអំពីការតាមដានសុខភាពនិងអាកប្បកិរិយារបស់កូនអ្នកយ៉ាងដិតដល់។

ការបង្ការ

• ទុកគ្រឿងស្រវឹង ថ្នាំ និងថ្នាំពុលទាំងអស់ឱ្យឆ្ងាយ ឧទាហរណ៍៖

  • កុំលេបថ្នាំនៅចំពោះមុខកូនរបស់អ្នក ព្រោះពួកគេអាចព្យាយាមធ្វើអ្វីដែលអ្នកធ្វើ។

  • កុំទុកគ្រឿងស្រវឹង ថ្នាំឬសម្ភារៈប្រើប្រាស់ក្នុងផ្ទះ នៅពេលអ្នកមិននៅផ្ទះ។

  • ភ្ញៀវអាចយកថ្នាំមកជាមួយពួកគេ។ ត្រូវប្រាកដថាភ្ញៀវទុកដាក់កាបូបរបស់ពួកគេឱ្យឆ្ងាយពីកូនរបស់អ្នក។

  • កុំទុកផលិតផលដូចជា សាប៊ូសម្អាតឡ និងសាប៊ូលាងចានក្រោមឡាបូនៅចង្រ្គានបាយ។

  • រក្សាទុកផលិតផលនៅក្នុងធុងដែលដាក់ពួកវា។ រក្សា​ទុកស្លាកដើម​នៅ​លើ​ពួកវា​។

  • យករុក្ខជាតិពុលចេញពីផ្ទះរបស់អ្នក។

តើពេលណាដែលអ្នកគួរហៅសុំជំនួយ?

ប្រសិនបើអ្នកឃើញកូនរបស់អ្នកលេបថ្នាំពុល ឬអ្នកគិត​ថា​កូនរបស់​អ្នក​បាន​លេប​ថ្នាំពុលខ្លះៗ សូមរក្សាភាពស្ងប់ស្ងាត់។ ទូរសព្ទទៅខ្សែទូរសព្ទទាន់ហេតុការណ៍សម្រាប់ការ​ត្រួតពិនិត្យ​ជាតិ​ពុល​​ តាមរយៈលេខ1 -800 -222-1222។ ត្រូវមានផលិតផល ជាតិអាល់កុល ឬប្រអប់ថ្នាំមកជាមួយអ្នក។ ប្រើវាដើម្បីប្រាប់ប្រតិបត្តិករឱ្យបានច្បាស់នូវអ្វីដែលកូនរបស់អ្នកបានលេប។ មជ្ឈមណ្ឌលត្រួតពិនិត្យជាតិពុលអាចប្រាប់អ្នកបានពីអ្វីដែលត្រូវធ្វើភ្លាមៗ។ កុំធ្វើឱ្យកូនរបស់អ្នកក្អួត លុះត្រាតែអ្នកត្រូវបានគេប្រាប់ឱ្យបែបនេះ។

ទូរសព្ទ 911 គ្រប់ពេលដែលអ្នកគិតថាកូនរបស់អ្នកប្រហែលជាត្រូវការការថែទាំបន្ទាន់។ ឧទាហរណ៍ សូមទូរសព្ទប្រសិនបើ៖

• កូនរបស់អ្នកសន្លប់ (បាត់បង់ស្មារតី)

• កូនអ្នកមានវង្វេងវង្វាន់ ឬងងុយគេងខ្លាំង។

• កូនរបស់អ្នកមានបញ្ហាធ្ងន់ធ្ងរក្នុងការដកដង្ហើម។

• កូនរបស់អ្នកមាន​ការប្រកាច់។

សូមហៅទៅកាន់វេជ្ជបណ្ឌិតរបស់អ្នកភ្លាម ឬស្វែងរក​ការថែទាំ​វេជ្ជសាស្ត្រជាបន្ទាន់ ប្រសិនបើ៖

• កូនរបស់អ្នកមានរោគសញ្ញាថ្មី ឬមានអាការៈមិនធម្មតា។

តាមដានឲ្យបានដិតដល់រាល់ការប្រែប្រួលសុខភាពរបស់កូនអ្នក ហើយសូម​ប្រាកដ​ថា​អ្នកទាក់ទងទៅវេជ្ជបណ្ឌិតរបស់អ្នក ក្នុងករណី៖

• កូនរបស់អ្នកមិនបានធូរស្បើយតាមការរំពឹងទុក។

បច្ចុប្បន្នជា: 4 តុលា 2023

កំណែមាតិកា: 14.0

ការណែនាំអំពីការថែទាំដែលត្រូវបានកែសម្រួលក្រោមអាជ្ញាប័ណ្ណដោយ អ្នកជំនាញថែទាំសុខភាពរបស់អ្នក។ ប្រសិនបើអ្នកមានសំណួរអំពីស្ថានភាពសុខភាព ឬការណែនាំនេះ សូមសួរអ្នកជំនាញថែទាំសុខភាពរបស់អ្នកជានិច្ច។ Healthwise, Incorporated បដិសេធការធានា ឬការទទួលខុសត្រូវណាមួយសម្រាប់ការប្រើប្រាស់ព័ត៌មាននេះរបស់អ្នក។