Fibromilagiya: Tilmaamaha Daryeelka

Fibromyalgia: Care Instructions

Tilmaamaha Daryeelkaaga

Fibromyalgia waa xaalad xanuun badan taas oo aan si dhammeytiran u fahman dadka ku takhasusay caafimaadka. Waxa sababi kara fibromyalgia lama garanayo. Waxay kaa dhigi kartaa in aad ka dareentid daal iyo xanuun dhammaan jirka ah. Waxay sababtaa baro danqanaya oo ka soo baxa meelaha qaar ee jirka taas oo xanuunta kelliya marka aad riixdid. Waxaa laga yaabaa in aad isku aragtid dhib hurdo la'aan ah, sidoo kale calaamado kale. Dhibaatooyinkani waxay qasi karaan shaqadaada iyo noolashaaada guriga.

Calaamadaha weyna soo muuqdaan weyna baxaan, inkastoo aysan waligood si dhammeystiran ugu baxeynin. Fibromyalgia dhaawac uma geysanaayo muruqyadaada, kalagoysyadaada, ama xubnahaaga.

Daryeelka-lasocoshada waa qayb muhiim ah oo ka mid ah daaweyntaada iyo badbaadadaada. Hubso in aad sameysato oo aad tagto ballamaha dhakhtarka oo dhan, waxaadna wacdaa dhakhtarkaaga haddii aad qabto dhibaatooyin. Sidoo kale waa fikrad fiican inaad ogaato natiijayada baaritaannada lagugu sameeyay, iyo inaad kaydsato liiska daawooyinka aad qaadato.

Sideed isugu daryeeli kartaa kartaa shakhsi ahaantaada gurigaaga?

• Sida badan jimicsi samee. Soco, dabaasho, ama baaskiil wad si ay kaaga caawiyaan xanuunka iyo dhibaatooyinka hurdada iyo in ay ku dareensiiyaan fiicnaan.

• Isku day in aad heshid hurdo habeen oo wanaagsan. Aad sariirta kana soo toos maalin kasta isla hal waqti, haddii aad nasasho dareentid iyo haddii kaleba. Hubso in aad haysatid firaash iyo barkin fiican.

• Yarree walbahaarka. Iska ilaali waxyaabaha kuu keeni kara walbahaar, haddii aad aboodid. Haddii kale, ka shaqee in aad ka dhigtid walbahaar yar. Baro in aad isticmaashid habka lagula socda dhaqdhaqaaqa maskaxda, ereyo hadal la suureyo oo la hago, khilaawo, ama habab kale oo lagu nasto.

• Samee is beddelo caafimaad qab leh. Cun cunto isku dheelitiran, iska jooji sigaar cabbida, waxaadna xaddidaysaa aalkolada iyo kafiinka.

• Isticmaal faashad kululeyso oo lagu xaddiday heer hoose ama dhexgal baaf qubays oo diirran ama u qaado qubays xanuunka. Isticmaalka xirmo qabow ah ilaa iyo 20 daqiiqadood hal waqti waxay sidoo kale kaa yarreysaa xanuuunka. Dhig dhar khafiif ah inta u dhaxeyso xirmada barafka iyo maqaarkaaga. Duugid dabacsan waxaa sidoo kale laga yaabaa in ay ku caawiso.

• Nabadqab ku ahaw dawadaada. U qaado daawooyinkaaga sida saxda ah ee laguugu soo qoray. Wac dhakhtarkaaga haddii aad u maleyso in aad dhib ku qabto daawadaada. Dhakhtarkaagu waxa dhici karta inuu kaala hadlo qaadashada daawooyinka la-dagaalanka walbahaarka. Daawooyinkani waxa dhici karta inay horumariyaan seexashada, baabiinta xanuunka, iyo inay xaaladaha qaar daaweeyaan walbahaarka

• Baro wax ku saabsan fibromyalgia. Tani waxay ka dhigaysaa la qabsadhada mid fudud. Kadibna, ka qaado door waxqabad leh daaweyntaada.

• Ku fakar in aad kula biirtid koox taageero kuwa kale ee qaba fibromyalgia si aad wax badan u baratid iyo in aad taageero ka heshid.

Goormee ayaad caawimaad u wacan kartaa?

Si taxadir leh ula soco isbeddelada kudhaca caafimaadkaaga, iskana hubso in aad laxiriirto dhakhtarkaaga haddii:

• Aad dareento murugo, micin la'aan, ama rajo-beel; aad nacdo waxyaalaha aad jeclaan jirtay; ama leedahay astaamo kale oo walbahaar.

• Fibromyalgia-kaaga calaamadihiisa ay ka sii darayaan.

Hadda laga bilaabo: Bisha Todobaad 17, 2023

Nooca Tusmadda: 14.0

Tilmaamaha daryeelka la qaatay hoosta ruqsada xirfad yaqaankaaga daryeelka caafimaadka Haddii aad qabto su’aalo ku saabsan xaalada caafimaadka ama tilmaantan, waydii had iyo heer xirfad yaqaankaaga caafimaadka. Healthwise, Incorporated waxay diiday damaanad kasta ama masuuliyada isticmaalka macluumaadkan.