ជំងឺរលាកសួត៖ការណែនាំអំពីការថែទាំ
Pneumonia: Care Instructions
ទិដ្ឋភាពទូទៅ
ជំងឺរលាកសួត គឺជាការឆ្លងមេរោគនៅសួត។ ករណីភាគច្រើនបណ្តាលមកពីការឆ្លងពីបាក់តេរី ឬវីរុស។
ជំងឺរលាកសួតអាចមានលក្ខណៈស្រាល ឬធ្ងន់ធ្ងរខ្លាំង។ ប្រសិនបើវាបណ្តាលមកពីបាក់តេរី
អ្នកនឹងទទួលការព្យាបាលដោយឱសថផ្សះ។ វាអាចចំណាយពេលពីរបីសប្តាហ៍ទៅពីរបីខែ
ដើម្បីជាសះស្បើយពេញលេញពីជំងឺរលាកសួត អាស្រ័យលើអ្នកឈឺប៉ុនណា និងថាតើសុខភាពទូទៅរបស់អ្នកល្អដែរឬទេ។
ការថែទាំតាមដាន គឺជាផ្នែកមួយដ៏សំខាន់ សម្រាប់ការព្យាបាល និងសុវត្ថិភាពរបស់អ្នក។
សូមប្រាកដថា អ្នកណាត់ជួប និងទៅជួបគ្រូពេទគ្រប់ពេល
និងទូរសព្ទទៅវេជ្ជបណ្ឌិតរបស់អ្នកប្រសិនបើអ្នកមានបញ្ហា។
វាក៏ជាគំនិតមួយល្អដែរក្នុងការដឹងអំពីលទ្ធផលធ្វើតេស្តជំងឺរបស់អ្នក និងរក្សាទុកបញ្ជីថ្នាំដែលអ្នកប្រើ។
តើអ្នកអាចថែទាំខ្លួនអ្នកនៅផ្ទះបានតាមរបៀបណា?
-
លេបឱសថផ្សះរបស់អ្នកតាមការណែនាំឲ្យបានច្បាស់លាស់។ កុំឈប់លេបថ្នាំព្រោះអ្នកកំពុងមានអារម្មណ៍ធូរស្បើយ។
អ្នកត្រូវប្រើប្រាស់ឱសថផ្សះឲ្យបានពេញលេញ។
-
ប្រើប្រាស់ថ្នាំរបស់អ្នកឱ្យបានត្រឹមត្រូវទៅតាមវេជ្ជបញ្ជា។ សូមទូរសព្ទទៅវេជ្ជបណ្ឌិតរបស់អ្នក
ប្រសិនបើអ្នកមានបញ្ហាជាមួយថ្នាំរបស់អ្នក។
-
សម្រាក និងគេងឱ្យបានច្រើន។ អ្នកអាចមានអារម្មណ៍ទន់ខ្សោយ
និងនឿយហត់មួយរយៈប៉ុន្តែកម្រិតថាមពលរបស់អ្នកនឹងប្រសើរឡើងទៅតាមពេលវេលា។
-
ដើម្បីបង្ការការខ្សោះជាតិទឹក សូមទទួលទានទឹកឱ្យបានច្រើន។ ជ្រើសរើសទឹក និងសារធាតុរាវថ្លាផ្សេងទៀត។
ប្រសិនបើអ្នកមានជំងឺតម្រងនោម បេះដូង ឬថ្លើម
ហើយត្រូវកំណត់បរិមាណសារធាតុរាវនោះសូមពិភាក្សាជាមួយវេជ្ជបណ្ឌិតរបស់អ្នកមុននឹងបង្កើនបរិមាណសារធាតុរាវដែលអ្នកផឹក។
-
ប្រុងប្រយ័ត្នការក្អករបស់អ្នក ទើបអ្នកអាចសម្រាកបាន។
ក្អកដែលធ្វើឲ្យស្លេសចេញពីសួតរបស់អ្នកគឺកើតមានជាទូទៅដោយសារជំងឺរលាកសួត។
វាគឺជាវិធីមួយដែលរាងកាយរបស់អ្នកកម្ចាត់ការចម្លងមេរោគ។ ប៉ុន្តែប្រសិនបើការក្អកធ្វើឱ្យអ្នកសម្រាក
ឬបណ្តាលឱ្យអស់កម្លាំងធ្ងន់ធ្ងរ និងឈឺទ្រូង សូមពិគ្រោះជាមួយវេជ្ជបណ្ឌិតរបស់អ្នក។
វេជ្ជបណ្ឌិតរបស់អ្នកអាចណែនាំឱ្យអ្នកប្រើថ្នាំដើម្បីកាត់បន្ថយការក្អក។
-
ប្រើម៉ាស៊ីនចំហាយទឹក ឬម៉ាស៊ីនផ្តល់សំណើមដើម្បីបន្ថែមសំណើម ក្នុងបន្ទប់គេងរបស់អ្នក។
សូមធ្វើតាមការណែនាំដើម្បីសម្អាតម៉ាស៊ីន។
-
មិនត្រូវជក់បារី ឬឱ្យអ្នកផ្សេងទៀតជក់នៅក្បែរអ្នកនោះទេ។
ផ្សែងបារីនឹងធ្វើឱ្យការក្អករបស់អ្នកកាន់តែយូរជាងមុន។ ប្រសិនបើអ្នកចង់បានជំនួយផ្តាច់បារី
សូមពិភាក្សាជាមួយវេជ្ជបណ្ឌិតរបស់អ្នកអំពីឱសថ និងកម្មវិធីផ្តាច់បារី។
ធ្វើបែបនេះអាចបង្កើនឱកាសរបស់អ្នកក្នុងការផ្តាច់បារីជារៀងរហូត។
-
ប្រើថ្នាំកាត់បន្ថយការឈឺចាប់ដែលគ្មានវេជ្ជបញ្ជាដូចជា acetaminophen (Tylenol), ibuprofen (Advil,
Motrin), ឬ naproxen (Aleve) ។ អាន និងធ្វើតាមការណែនាំទាំងអស់នៅលើស្លាក។
-
កុំប្រើថ្នាំបំបាត់ការឈឺចាប់ពីរ ឬច្រើនគ្រាប់ក្នុងពេលតែមួយ
លើកលែងតែថាវេជ្ជបណ្ឌិតបានប្រាប់អ្នកឲ្យប្រើ។ ថ្នាំបំបាត់ការឈឺចាប់មួយចំនួនមាន (acetaminophen)
ដែលជា Tylenol ។ ប្រើថ្នាំ acetaminophen (Tylenol) ច្រើនពេកអាចបណ្តាលឲ្យមានគ្រោះថ្នាក់។
-
ប្រសិនបើអ្នកត្រូវបានគេផ្តល់ឱ្យនូវឧបករណ៍ស្ពៀរ៉ូមែត្រដើម្បីវាស់ការដំណើរការនៃសួតរបស់អ្នក
សូមប្រើវាដូចដែលបានណែនាំ។
ការធ្វើបែបនេះអាចជួយវេជ្ជបណ្ឌិតរបស់អ្នកប្រាប់ពីដំណើរការការជាសះស្បើយរបស់អ្នក។
-
ដើម្បីបង្ការជំងឺរលាកសួតនាពេលអនាគត
សូមពិគ្រោះជាមួយវេជ្ជបណ្ឌិតរបស់អ្នកអំពីការចាក់វ៉ាក់សាំងការពារជំងឺគ្រុនផ្តាសាយធំប្រចាំឆ្នាំ
និងវ៉ាក់សាំងការពារជំងឺរលាកសួត។
តើពេលណាដែលអ្នកគួរហៅសុំជំនួយ?
ទូរសព្ទ 911 គ្រប់ពេលដែលអ្នកគិតថាអ្នកអាចត្រូវការការថែទាំបន្ទាន់។ ឧទាហរណ៍ សូមទូរសព្ទ
ប្រសិនបើ៖
សូមហៅទូរសព្ទទៅវេជ្ជបណ្ឌិតរបស់អ្នកភ្លាម ឬស្វែងរកការថែទាំផ្នែកវេជ្ជសាស្ត្រជាបន្ទាន់
ប្រសិនបើ៖
-
អ្នកក្អកស្លេសលឿងពណ៌ត្នោតខ្មៅ ឬ ឈាម (កំហាក) ។
-
អ្នកចាប់ផ្តើមមានបញ្ហាពិបាកដកដង្ហើម ឬបញ្ហាដកដង្ហើមកាន់តែពិបាកជាងមុន។
-
អ្នកវិលមុខ ឬធីងធោង ឬអ្នកមានអារម្មណ៍ថាអ្នកអាចនឹងសន្លប់។
តាមដានឲ្យបានដិតដល់រាល់ការប្រែប្រួលសុខភាពរបស់អ្នក ហើយសូមប្រាកដថាអ្នកទាក់ទងទៅវេជ្ជបណ្ឌិតរបស់អ្នក
ប្រសិនបើ៖
-
អ្នកទើបតែក្តៅខ្លួនថ្មី ឬខ្លាំងជាងមុន។
-
អ្នកក្អកកាន់តែខ្លាំង ឬកាន់តែញឹកញាប់។
-
អ្នកមិនធូរស្បើយក្រោយរយៈពេល 2 ថ្ងៃ (48 ម៉ោង) ។
-
អ្នកមិនបានធូរស្បើយដូចការរំពឹងទុក។
បច្ចុប្បន្នជា: 5 តុលា 2023
កំណែមាតិកា: 14.0
ការណែនាំអំពីការថែទាំដែលត្រូវបានកែសម្រួលក្រោមអាជ្ញាប័ណ្ណដោយ
អ្នកជំនាញថែទាំសុខភាពរបស់អ្នក។ ប្រសិនបើអ្នកមានសំណួរអំពីស្ថានភាពសុខភាព ឬការណែនាំនេះ
សូមសួរអ្នកជំនាញថែទាំសុខភាពរបស់អ្នកជានិច្ច។ Healthwise, Incorporated បដិសេធការធានា
ឬការទទួលខុសត្រូវណាមួយសម្រាប់ការប្រើប្រាស់ព័ត៌មាននេះរបស់អ្នក។