ជំងឺរលាកទងសួត៖ការណែនាំអំពីការថែទាំ

Bronchitis: Care Instructions

ការណែនាំអំពីការថែទាំរបស់អ្នក

ជំងឺរលាកទងសួត គឺជាការរលាកបំពង់ទងសួត​ដែលផ្ទុកខ្យល់ទៅសួត។ បំពង់ហើម ហើយផលិតទឹករំអិល ឬស្លេស្ម។ ស្លេស្ម​ ​និងបំពង់ទងសួតដែលរលាក ធ្វើឱ្យអ្នកក្អក។ អ្នកប្រហែលជាមានបញ្ហាក្នុងការដកដង្ហើម។

ករណីរលាកទងសួតភាគច្រើន បណ្តាលមកពីវីរុសដូចជា ករណីនៃជំងឺផ្តាសាយ។ ថ្នាំឱសថផ្សះ ជាធម្មតាមិនជួយទេ ហើយវាអាចបង្កគ្រោះថ្នាក់។

ជំងឺរលាកទងសួតជាធម្មតាមានការរីកចម្រើនយ៉ាងឆាប់រហ័ស និងមានរយៈពេលប្រហែល 2 ទៅ 3 សប្តាហ៍ចំពោះមនុស្សដែលមានសុខភាពល្អ។

ការ​ថែទាំតាមដាន​ គឺជា​ផ្នែកមួយដ៏សំខាន់ សម្រាប់ការព្យាបាល និង​សុវត្ថិភាព​របស់អ្នក។ សូមប្រាកដ​ថា អ្នកណាត់ជួប និងទៅជួបគ្រូពេទ​គ្រប់ពេល និង​ទូរស​ព្ទទៅ​វេជ្ជបណ្ឌិត​របស់អ្នក​​ប្រសិនបើអ្នក​មានបញ្ហា។ វាក៏ជាគំនិតមួយល្អដែរក្នុងការដឹងអំពីលទ្ធផលធ្វើតេស្តជំងឺ​របស់អ្នក និងរក្សាទុកបញ្ជីថ្នាំដែលអ្នកប្រើ។

តើអ្នកអាចថែទាំខ្លួនអ្នក​នៅផ្ទះបានដោយ​របៀបណា?

• លេបថ្នាំទាំងអស់តាមវេជ្ជបញ្ជា។ សូមទូរសព្ទទៅវេជ្ជបណ្ឌិតរបស់អ្នក ប្រសិនបើអ្នកមានបញ្ហាជាមួយឱសថរបស់អ្នក។

• សម្រាកបន្ថែមទៀត។

• លេបថ្នាំបំបាត់ការឈឺចាប់ដោយគ្មានវេជ្ជបញ្ជា ដូចជា Acetaminophen (Tylenol) Ibuprofen (Advil, Motrin) ឬ Naproxen (Aleve) ដើម្បីកាត់បន្ថយគ្រុនក្តៅ និងបំបាត់ការ​ឈឺ​ក្នុង​រាង​កាយ។ អាន និងអនុវត្តតាមការណែនាំទាំងអស់នៅលើស្លាក។

• កុំប្រើថ្នាំបំបាត់ការឈឺចាប់ពីរ ឬច្រើនគ្រាប់​ក្នុងពេលតែមួយ​ លើក​លែងតែ​ថាវេជ្ជបណ្ឌិត​​បាន​ប្រាប់អ្នកឲ្យប្រើ​។ ថ្នាំបំបាត់ការឈឺចាប់មួយចំនួនមាន (acetaminophen) ដែលជា Tylenol ។ ថ្នាំ​អាសេតាមីណូហ្វេន (ទីឡេណុល) ច្រើនពេកអាចបណ្តាលឲ្យ​មាន​គ្រោះថ្នាក់។

• លេបថ្នាំក្អកដោយគ្មានវេជ្ជបញ្ជាដើម្បីជួយបំបាត់ក្អកស្ងួតដើម្បីឱ្យអ្នកអាចគេងបាន។ ជៀសវាងថ្នាំក្អកដែលមានគ្រឿងផ្សំសកម្មលើសពីមួយ។ អាន និងអនុវត្តតាមការណែនាំទាំងអស់នៅលើស្លាក។

• មិនត្រូវជក់បារី។ ការជក់បារីអាចធ្វើឱ្យជំងឺរលាកទងសួតកាន់តែអាក្រក់ទៅៗ។ ប្រសិនបើអ្នកចង់បានជំនួយផ្តាច់បារី សូម​ពិភាក្សាជាមួយ​វេជ្ជបណ្ឌិតរបស់អ្នកអំពីថ្នាំ និងកម្មវិធីផ្តាច់បារី។ ធ្វើបែបនេះអាចបង្កើនឱកាសរបស់អ្នកក្នុងការផ្តាច់បារីជារៀងរហូត។

តើពេលណាដែលអ្នកគួរហៅសុំជំនួយ?

ទូរសព្ទ 911 គ្រប់​ពេល​ដែល​អ្នក​គិត​ថា​អ្នកអាចត្រូវការ​ការថែ​ទាំ​បន្ទាន់។ ឧទាហរណ៍ សូមទូរសព្ទ ប្រសិនបើ៖

• អ្នកបញ្ហាក្នុងការពិបាកដកដង្ហើមខ្លាំង។

សូមហៅទូរសព្ទទៅវេជ្ជបណ្ឌិតរបស់អ្នកភ្លាម ឬស្វែង​រក​ការ​ថែទាំផ្នែក​វេជ្ជសាស្ត្រជាបន្ទាន់ ប្រសិនបើ៖

• អ្នកចាប់ផ្តើមមានបញ្ហាពិបាកដកដង្ហើមថ្មីៗ ឬបញ្ហាដកដង្ហើមកាន់តែពិបាកជាងមុន។

• អ្នកក្អកមកមានស្លេសពណ៌ត្នោតចាស់ ឬមានឈាម (កំហាក)។

• អ្នកទើបតែក្តៅខ្លួន ឬគ្រុនក្តៅខ្លាំងជាងមុន។

• អ្នកឡើងកន្ទួលក្រហមលើស្បែកថ្មីៗ។

តាមដានឲ្យបានដិតដល់រាល់ការប្រែប្រួលសុខភាពរបស់អ្នក ហើយសូមប្រាកដថា ទាក់ទងទៅវេជ្ជបណ្ឌិតរបស់អ្នក ប្រសិនបើ៖

• អ្នកក្អកកាន់តែខ្លាំង ឬកាន់តែញឹកញាប់ ជាពិសេសប្រសិនបើអ្នកកត់សម្គាល់ឃើញមានស្លេសកាន់តែច្រើន ឬស្លេសរបស់អ្នកមានការប្រែពណ៌។

• អ្នកមិនបានធូរស្បើយតាមការរំពឹងទុក។

បច្ចុប្បន្នជា: 7 តុលា 2023

កំណែមាតិកា: 14.0

ការណែនាំអំពីការថែទាំដែលត្រូវបានកែសម្រួលក្រោមអាជ្ញាប័ណ្ណដោយ អ្នកជំនាញថែទាំសុខភាពរបស់អ្នក។ ប្រសិនបើអ្នកមានសំណួរអំពីស្ថានភាពសុខភាព ឬការណែនាំនេះ សូមសួរអ្នកជំនាញថែទាំសុខភាពរបស់អ្នកជានិច្ច។ Healthwise, Incorporated បដិសេធការធានា ឬការទទួលខុសត្រូវណាមួយសម្រាប់ការប្រើប្រាស់ព័ត៌មាននេះរបស់អ្នក។