ក្អក៖ការណែនាំអំពីការថែទាំ

Cough: Care Instructions

ទិដ្ឋភាពទូទៅ​

ការក្អកគឺជារបៀបដែលរាងកាយរបស់កូនអ្នកឆ្លើយតបទៅនឹងអ្វីដែលរំខានបំពង់ក ឬផ្លូវដង្ហើមរបស់កូនអ្នក។ មានហេតុផលជាច្រើនដែលបណ្តាលឱ្យក្អក។ អ្នកអាចក្អក ព្រោះតែផ្តាសាយ ឬគ្រុនផ្តាសាយធំ រលាកទងសួត ឬជំងឺហឺត។ ការជក់បារី ទឹកសំបោរក្នុងរន្ធច្រមុះ អាលែកហ្ស៊ី និងអាស៊ីតក្នុងក្រពះ​ដែលឡើងដល់បំពង់កក៏អាចបណ្តាលឱ្យក្អកដែរ។

ការក្អកជារោគសញ្ញាមួយ មិនមែនជាជំងឺនោះទេ។ ក្អកភាគច្រើននឹងបាត់នៅពេលបុព្វហេតុ ដូចជាជំងឺផ្តាយសាយបាត់ទៅវិញ។ អ្នកអាចអនុវត្តជំហានមួយចំនួននៅផ្ទះដើម្បីកាត់បន្ថយការក្អក និងមានអារម្មណ៍ប្រសើរឡើង។

ការ​ថែទាំតាមដាន​ គឺជា​ផ្នែកមួយដ៏សំខាន់ សម្រាប់ការព្យាបាល និង​សុវត្ថិភាព​របស់អ្នក។ សូមប្រាកដ​ថា អ្នកណាត់ជួប និងទៅជួបគ្រូពេទ​គ្រប់ពេល និង​ទូរស​ព្ទទៅ​វេជ្ជបណ្ឌិត​របស់អ្នក​​ប្រសិនបើអ្នក​មានបញ្ហា។ វាក៏ជាគំនិតមួយល្អដែរក្នុងការដឹងអំពីលទ្ធផលធ្វើតេស្តជំងឺ​របស់អ្នក និងរក្សាទុកបញ្ជីថ្នាំដែលអ្នកប្រើ។

តើអ្នកអាចថែទាំខ្លួនអ្នក​នៅផ្ទះបាន​តាម​របៀបណា?

• ញាំទឹកឱ្យបានច្រើន និងសារធាតុរាវផ្សេងទៀត។ ធ្វើបែបនេះជួយធ្វើឱ្យស្លេសរាវ និងជួយសម្រួលការស្ងួតបំពង់ក និងការឈឺបំពង់ក។ ទឹកឃ្មុំ ឬទឹកក្រូ​ចឆ្មារជាមួយទឹកក្តៅ ឬតែក្តៅក៏អាចជួយសម្រួលការស្ងួតកបានដែរ។

• ប្រើថ្នាំក្អកទៅតាមការណែនាំរ​បស់វេជ្ជបណ្ឌិតរបស់អ្នក។

• កល់ក្បាលរបស់អ្នកនៅលើខ្នើយដើម្បីជួយអ្នក​ដកដង្ហើម និង​កាត់បន្ថយ​​ការ​ក្អកស្ងួត​​។

• សាកល្បងប្រើទឹកបំបាត់ក្អក ឬបៀមស្ករគ្រាប់រឹងដើម្បីបំបាត់បំពង់កស្ងួត ឬឈឺ។

• មិនត្រូវជក់បារី។ ចៀសវាងការស្រូបផ្សែងបារីពីអ្នកដទៃ។ ប្រសិនបើអ្នកចង់បានជំនួយផ្តាច់បារី សូមពិភាក្សាជាមួយវេជ្ជបណ្ឌិតរបស់អ្នកអំពីឱសថ និងកម្មវិធីផ្តាច់បារី។ ធ្វើបែបនេះអាចបង្កើនឱកាសរបស់អ្នកក្នុងការផ្តាច់បារីជារៀងរហូត។

តើពេលណាដែលអ្នកគួរហៅសុំជំនួយ?

ទូរសព្ទ 911 គ្រប់​ពេល​ដែល​អ្នក​គិត​ថា​អ្នកអាចត្រូវការ​ការថែ​ទាំ​បន្ទាន់។ ឧទាហរណ៍ សូមទូរសព្ទ ប្រសិនបើ៖

• អ្នកបញ្ហាក្នុងការពិបាកដកដង្ហើមខ្លាំង។

សូមហៅទូរសព្ទទៅវេជ្ជបណ្ឌិតរបស់អ្នកភ្លាម ឬស្វែង​រក​ការ​ថែទាំផ្នែក​វេជ្ជសាស្ត្រជាបន្ទាន់ ប្រសិនបើ៖

• អ្នកក្អក​មាន​ឈាម។

• អ្នកចាប់ផ្តើមមានបញ្ហាពិបាកដកដង្ហើម ឬបញ្ហាដកដង្ហើមកាន់តែពិបាកជាងមុន។

• អ្នកទើបតែក្តៅខ្លួន ឬគ្រុនក្តៅខ្លាំងជាងមុន។

• អ្នកឡើងកន្ទួលក្រហមលើស្បែកថ្មីៗ។

តាមដានឲ្យបានដិតដល់រាល់ការប្រែប្រួលសុខភាពរបស់អ្នក ហើយសូមប្រាកដថា ទាក់ទងទៅវេជ្ជបណ្ឌិតរបស់អ្នក ប្រសិនបើ៖

• អ្នកក្អកកាន់តែខ្លាំង ឬកាន់តែញឹកញាប់ ជាពិសេសប្រសិនបើអ្នកកត់សម្គាល់ឃើញមានទឹកសំបោរកាន់តែច្រើន ឬទឹកសំបោររបស់អ្នកមានការប្រែពណ៌។

• អ្នកមានរោគសញ្ញាថ្មី ដូចជាឈឺបំពង់ក ឈឺត្រចៀក ឬឈឺក្នុងរន្ធឆ្អឺងច្រមុះ។

• អ្នកមិនបានធូរស្បើយទៅតាមការរំពឹងទុក។

បច្ចុប្បន្នជា: 6 តុលា 2023

កំណែមាតិកា: 14.0

ការណែនាំអំពីការថែទាំដែលត្រូវបានកែសម្រួលក្រោមអាជ្ញាប័ណ្ណដោយ អ្នកជំនាញថែទាំសុខភាពរបស់អ្នក។ ប្រសិនបើអ្នកមានសំណួរអំពីស្ថានភាពសុខភាព ឬការណែនាំនេះ សូមសួរអ្នកជំនាញថែទាំសុខភាពរបស់អ្នកជានិច្ច។ Healthwise, Incorporated បដិសេធការធានា ឬការទទួលខុសត្រូវណាមួយសម្រាប់ការប្រើប្រាស់ព័ត៌មាននេះរបស់អ្នក។