រោគរមាស់រលាកស្បែកចម្លែក៖ការណែនាំអំពីការថែទាំ

Eczema: Care Instructions

ទិដ្ឋភាពទូទៅ​

ជំងឺរមាស់រលាកស្បែកចំឡែក (ហៅផងដែរថា ត្រអក) គឺជាបញ្ហាស្បែកដែលបណ្តាលឱ្យរមាស់ខ្លាំង និងឡើងកន្ទួលក្រហម។ ក្នុងករណីធ្ងន់ធ្ងរ​កន្ទួលរមាស់វិវត្តទៅជាពងបែកដែលពោរពេញទៅដោយសារធាតុរាវ។ កន្ទួលមិនឆ្លងទេ។ អ្នកមិនអាចឆ្លងពីអ្នកដទៃបានទេ។ អ្នកដែលមានស្ថានភាពនេះហាក់ដូចជាមានប្រព័ន្ធភាពស៊ាំខ្សោយដែលទំនងជាមានប្រតិកម្មទៅនឹងរឿងដែល​បណ្តាល​ឱ្យ​មានអាលែកហ្ស៊ី។ ប្រព័ន្ធភាពស៊ាំគឺជាវិធីដែលរាងកាយប្រយុទ្ធប្រឆាំងនឹងការឆ្លង។

មិនមានការព្យាបាលសម្រាប់ជំងឺរមាស់រលាកស្បែកចំឡែកទេ។ ប៉ុន្តែអ្នកប្រហែលជាអាចគ្រប់គ្រងវាដោយយកចិត្តទុកដាក់នៅផ្ទះ។

ការ​ថែទាំតាមដាន​ គឺជា​ផ្នែកមួយដ៏សំខាន់ សម្រាប់ការព្យាបាល និង​សុវត្ថិភាព​របស់អ្នក។ សូមប្រាកដ​ថា អ្នកណាត់ជួប និងទៅជួបគ្រូពេទ​គ្រប់ពេល និង​ទូរស​ព្ទទៅ​វេជ្ជបណ្ឌិត​របស់អ្នក​​ប្រសិនបើអ្នក​មានបញ្ហា។ វាក៏ជាគំនិតមួយល្អដែរក្នុងការដឹងអំពីលទ្ធផលធ្វើតេស្តជំងឺ​របស់អ្នក និងរក្សាទុកបញ្ជីថ្នាំដែលអ្នកប្រើ។

តើអ្នកអាចថែទាំខ្លួនអ្នក​នៅផ្ទះបាន​តាម​របៀបណា?

• ប្រើក្រែមផ្ដល់សំណើមយ៉ាងហោចណាស់ពីរដងក្នុងមួយថ្ងៃ។

• ប្រសិនបើវេជ្ជបណ្ឌិតចេញវេជ្ជបញ្ជាក្រែម សូមប្រើវាតាមការណែនាំ។ ប្រសិនបើវេជ្ជបណ្ឌិតចេញវេជ្ជបញ្ជាថ្នាំផ្សេងទៀត សូមប្រើវាឲ្យដូចតាមការណែនាំ។

• លាងសម្អាតតំបន់ដែលរងផលប៉ះពាល់ដោយទឹកក្តៅឧណ្ឌៗ (មិនក្តៅ) ប៉ុណ្ណោះ។ សាប៊ូអាចធ្វើឱ្យស្ងួត និងរមាស់កាន់តែខ្លាំងឡើង ៗ ។ ជូតឲ្យស្ងួត។

• លាបក្រែមផ្ដល់សំណើម បន្ទាប់ពីងូតទឹក។ ប្រើក្រែមប្រភេទដូចជា Cetaphil, Lubriderm, ឬ Moisturel ដែលមិនធ្វើឲ្យស្បែកឡើងរោក ឬធ្វើឲ្យឡើងកន្ទួល។ លាបក្រែម នៅពេលដែលស្បែករបស់អ្នកនៅសើម បន្ទាប់ពីជួតឲ្យស្ងួតដោយកន្សែង។

• ប្រើក្រណាត់សើមត្រជាក់ដើម្បីកាត់បន្ថយការរមាស់។

• ទុកឱ្យត្រជាក់ និងនៅឆ្ងាយពីព្រះអាទិត្យ។

• ប្រសិនបើរមាស់ប៉ះពាល់ដល់ដំណេករបស់អ្នក សាកសួរវេជ្ជបណ្ឌិតថាតើអ្នកអាចប្រើថ្នាំ Antihistamine ដែលអាចកាត់​បន្ថយ​ការ​រមាស់ និងធ្វើឱ្យអ្នកងងុយគេងដូចជា diphenhdramine (Benadryl) ។ ត្រូវប្រើថ្នាំប្រកបដោយសុវត្ថិភាព។ អាន និងធ្វើតាមការណែនាំទាំងអស់នៅលើស្លាក។

• គ្រប់គ្រងការអេះ។ ទុកក្រចកដៃរបស់អ្នកឱ្យខ្លី និងរលោងដើម្បីការពារការបំផ្លាញស្បែកនៅពេលអ្នកអេសវា។ ការពាក់ស្រោមដៃកប្បាស ឬស្រោមដៃអាចជួយអ្នកឱ្យឈប់អេស។

• ព្យាយាមចៀសវាងអ្វីដែលធ្វើឲ្យឡើងកន្ទួល។ ទាំងនេះអាចរាប់បញ្ចូលទាំងជំងឺ ដូចជាអាល្លែកហ្ស៊ី ជាមួយលំអង ឬរោមសត្វ។ សាប៊ូដុំ សម្លៀកបំពាក់ស្កៀប ភាពតានតឹង និងអាហារខ្លះគឺជាឧទាហរណ៍ផ្សេងទៀត។

តើពេលណាដែលអ្នកគួរហៅសុំជំនួយ?

សូមហៅទូរសព្ទទៅវេជ្ជបណ្ឌិតរបស់អ្នកភ្លាម ឬស្វែង​រក​ការ​ថែទាំផ្នែក​វេជ្ជសាស្ត្រជាបន្ទាន់ ប្រសិនបើ៖

• កន្ទួលរបស់អ្នកកាន់តែអាក្រក់ ហើយអ្នកមានគ្រុនក្តៅ។

• អ្នកមានពងបែក ឬស្នាមជាំថ្មី ឬកន្ទួលរាលដាល ហើយមើលទៅដូចជាការលាកស្បែកដោយកម្ដៅថ្ងៃ។

• អ្នកមានរោគសញ្ញានៃជំងឺ ដូចជា៖

  • បង្កើនការឈឺចាប់ ហើម ក្តៅ ឬក្រហម។

  • ស្នាមឆ្នូតក្រហមចេញមកពីកន្ទួល។

  • ខ្ទុះហូរចេញពីកន្ទួល។

  • គ្រុនក្តៅ។

• អ្នកមានបែកស្រកា ឬឈឺហូរទឹករងៃ។

• អ្នកមានការឈឺសន្លាក់ ឬឈឺរាងកាយរួមជាមួយកន្ទួលរបស់អ្នក។

តាមដានឲ្យបានដិតដល់រាល់ការប្រែប្រួលសុខភាពរបស់អ្នក ហើយសូមប្រាកដថា ទាក់ទងទៅវេជ្ជបណ្ឌិតរបស់អ្នក ប្រសិនបើ៖

• កន្ទួលរបស់អ្នកមិនបាត់ទៅវិញ បន្ទាប់ពីការព្យាបាលនៅផ្ទះពី 2 ទៅ 3 សប្តាហ៍។

• ការរមាស់រំខានដល់ដំណេក​ ឬសកម្មភាពប្រចាំថ្ងៃរបស់អ្នក។

បច្ចុប្បន្នជា: 16 វិច្ឆិកា 2023

កំណែមាតិកា: 14.0

ការណែនាំអំពីការថែទាំដែលត្រូវបានកែសម្រួលក្រោមអាជ្ញាប័ណ្ណដោយ អ្នកជំនាញថែទាំសុខភាពរបស់អ្នក។ ប្រសិនបើអ្នកមានសំណួរអំពីស្ថានភាពសុខភាព ឬការណែនាំនេះ សូមសួរអ្នកជំនាញថែទាំសុខភាពរបស់អ្នកជានិច្ច។ Healthwise, Incorporated បដិសេធការធានា ឬការទទួលខុសត្រូវណាមួយសម្រាប់ការប្រើប្រាស់ព័ត៌មាននេះរបស់អ្នក។