Mga Pag-uunat ng Balikat: Mga Ehersisyo

Shoulder Stretches: Exercises

Mga Tagubilin sa Iyong Pangangalaga

Narito ang ilang halimbawa ng mga ehersisyo para sa iyong balikat. Dahan-dahang simulan ang bawat ehersisyo. Magdahan-dahan sa pag-eehersisyo kapag nagsimula kang makaramdam ng pananakit.

Sasabihin sa iyo ng iyong doktor o physical therapist kung kailan mo maaaring simulan ang mga ehersisyong ito at kung alin sa mga ito ang magiging pinakamainam para sa iyo.

Paano gawin ang mga ehersisyo

Pag-uunat ng balikat:

1. Tumayo sa pintuan at ilagay ang isang braso sa hamba ng pinto. Dapat ay bahagyang mas mataas ang iyong siko kaysa sa iyong balikat.

2. Ipahinga ang iyong mga balikat habang humihilig ka paharap, at naiuunat ang iyong dibdib at balikat. Maaari mo ring bahagyang ilayo ang iyong katawan mula sa iyong braso upang mas maiunat ang mga kalamnan.

3. Manatili sa ganitong posisyon nang 15 hanggang 30 segundo.

4. Ulitin nang 2 hanggang 4 na beses sa bawat braso.

Pag-uunat ng balikat at dibdib

1. Pag-uunat ng balikat at dibdib

2. Habang nakaupo, ipahinga ang itaas na bahagi ng iyong katawan upang makagalaw ka nang maayos sa iyong upuan.

3. Habang nag-i-inhale ka, idiretso ang iyong likod at ilagay ang iyong mga braso sa gilid.

4. Dahan-dahang hilahin palikod at pababa ang iyong mga shoulder blade.

5. Manatili sa ganitong posisyon nang 15 hanggang 30 segundo, habang humihinga ka nang normal.

6. Ulitin nang 2 hanggang 4 na beses.

Pag-uunat ng kamay at braso pataas

1. Iunat pataas ang magkabilang braso.

2. Manatili sa ganitong posisyon nang 15 hanggang 30 segundo.

3. Ulitin nang 2 hanggang 4 na beses.

Ang follow-up na pangangalaga ay isang mahalagang bahagi ng iyong paggamot at kaligtasan. Siguraduhing ipaskedyul at puntahan ang lahat ng appointment, at tawagan ang iyong doktor kung nagkakaproblema ka. Mainam ding alamin ang mga resulta ng iyong mga pagsusuri at magtabi ng listahan ng mga iniinom mong gamot.

Pangkasalukuyan mula noong: Hulyo 17, 2023

Bersyon ng Nilalaman: 14.0

Ang mga tagubilin sa pangangalaga ay iniangkop sa ilalim ng lisensya ng iyong propesyonal ng pangangalagang pangkalusugan. Kung mayroon kang mga tanong tungkol sa isang medikal na kundisyon o sa tagubiling ito, palaging magtanong sa iyong propesyonal ng pangangalagang pangkalusugan. Itinatanggi ng Healthwise, Incorporated ang anumang warranty o sagutin para sa iyong paggamit ng impormasyong ito.