ជំងឺក្អកចំពោះកុមារ៖ការណែនាំអំពីការថែទាំ
Cough in Children: Care Instructions
ទិដ្ឋភាពទូទៅ
ការក្អកគឺជារបៀបដែលរាងកាយរបស់កូនអ្នកឆ្លើយតបទៅនឹងអ្វីដែលរំខានបំពង់ក ឬផ្លូវដង្ហើមរបស់កូនអ្នក។
មានហេតុផលជាច្រើនដែលបណ្តាលឱ្យក្អក។ កូនរបស់អ្នកអាចក្អកដោយសារតែជំងឺផ្តាសាយ ឬរលាកទងសួត ឬជំងឺហឺត។
ផ្សែងបារី, ដំណក់ថ្នាំចូលច្រមុះ, អាលែកហ្ស៊ី និងអាស៊ីតក្រពះ ហូរចូលបំពង់ក ក៏អាចបណ្តាលឱ្យក្អកដែរ។
ការក្អកជារោគសញ្ញា មិនមែនជាជំងឺទេ។ ក្អកភាគច្រើននឹងបាត់នៅពេលដែលបុព្វហេតុនៃការក្អក
ដូចជាជំងឺផ្តាយសាយបាត់ទៅវិញ។ អ្នកអាចចាត់វិធានការពីរបីនៅផ្ទះ ដើម្បីជួយឱ្យកូនរបស់អ្នកក្អកតិច
និងមានអារម្មណ៍ធូរស្បើយ។
ការថែទាំតាមដាន គឺជាផ្នែកមួយដ៏សំខាន់សម្រាប់ការព្យាបាល និងសុវត្ថិភាពកូនរបស់អ្នក។
សូមប្រាកដថា អ្នកណាត់ជួប និងទៅជួបគ្រូពេទគ្រប់ពេល និងទូរសព្ទទៅវេជ្ជបណ្ឌិតរបស់អ្នក
ប្រសិនបើអ្នកមានបញ្ហា។ វាក៏ជាគំនិតល្អមួយផងដែរ ដើម្បីដឹងអំពីលទ្ធផលតេស្តរបស់កូនរបស់អ្នក
និងរក្សាទុកបញ្ជីថ្នាំដែលកូនរបស់អ្នកប្រើ។
តើអ្នកអាចថែទាំកូនរបស់អ្នកនៅផ្ទះបានតាមរបៀបណា?
-
ឱ្យកូនរបស់អ្នកផឹកទឹក និងវត្ថុរាវផ្សេងទៀត។ នេះអាចជួយបន្ថយការស្ងួត ឬការឈឺបំពង់ក។ ទឹកឃ្មុំ
ឬទឹកក្រូចឆ្មារជាមួយទឹកក្តៅ ឬតែ អាចជួយកាត់បន្ថយក្អកស្ងួតបាន។
កុំផ្តល់ទឹកឃ្មុំដល់ក្មេងអាយុក្រោម 1 ឆ្នាំ។ វាអាចផ្ទុកបាក់តេរីដែលបង្កគ្រោះថ្នាក់ដល់ទារក។
-
សូមប្រុងប្រយ័ត្នចំពោះថ្នាំក្អក និងថ្នាំផ្តាសាយ។ សូមកុំផ្តល់ថ្នាំទាំងនោះទៅក្មេងដែលមានអាយុតិចជាង 6
ខែ ព្រោះថ្នាំទាំងនោះមិនមានប្រសិទ្ធភាពចំពោះក្មេងដែលមានអាយុប៉ុណ្ណឹងទេ
ហើយវាអាចមានគ្រោះថ្នាក់ផងដែរ។ សម្រាប់ក្មេងដែលមានអាយុ 6 ខែឡើងទៅ
ត្រូវធ្វើតាមគ្រប់ការណែនាំទាំងអស់ដោយប្រុងប្រយ័ត្ន។ សូមប្រាកដក្នុងចិត្ត
អំពីបរិមាណថ្នាំដែលត្រូវផ្តល់ឲ្យក្មេង ហើយរយៈពេលយូរប៉ុនណាដែលត្រូវប្រើវា។
ហើយសូមប្រើសម្ភារៈសម្រាប់វាស់កម្រិតថ្នាំ ប្រសិនបើមានភ្ជាប់មកជាមួយ។
-
ឱ្យកូនរបស់អ្នកនៅឲ្យឆ្ងាយពីផ្សែងបារី។ ហាមជក់បារី ឬអនុញ្ញាតឱ្យអ្នកដទៃជក់បារីនៅជុំវិញកូនរបស់អ្នក
ឬនៅក្នុងផ្ទះរបស់អ្នក។
-
ជួយកូនរបស់អ្នកឱ្យចៀសវាងការប៉ះពាល់នឹងផ្សែង ធូលី ឬការបំពុលផ្សេងៗ ឬឱ្យកូនរបស់អ្នកពាក់ម៉ាសមុខ។
ពិគ្រោះជាមួយវេជ្ជបណ្ឌិត
ឬឱសថការីរបស់អ្នកដើម្បីដឹងអំពីប្រភេទម៉ាសដែលនឹងផ្តល់ឱ្យកូនរបស់អ្នកទទួលបានអត្ថប្រយោជន៍ច្រើនបំផុត។
តើពេលណាដែលអ្នកគួរហៅសុំជំនួយ?
ហៅទូរសព្ទ 911 គ្រប់ពេលដែលអ្នកគិតថាកូនរបស់អ្នកប្រហែលជាត្រូវការការថែ ទាំបន្ទាន់។ ឧទាហរណ៍
សូមទូរសព្ទ ប្រសិនបើ៖
-
កូនរបស់អ្នកមានបញ្ហាធ្ងន់ធ្ងរក្នុងការដកដង្ហើម។ រោគសញ្ញាអាចរួមមានដូចជា៖
-
ស្បែកនិងក្រចកដៃកូនរបស់អ្នកមានពណ៌ប្រផេះ ឬខៀវ។
-
កូនរបស់អ្នកក្អកធ្លាក់ឈាមច្រើន ឬមើលទៅដូចជាកាកកាហ្វេ។
សូមហៅទូរសព្ទទៅវេជ្ជបណ្ឌិតរបស់អ្នកភ្លាម ឬស្វែងរកការថែទាំផ្នែកវេជ្ជសាស្ត្រជាបន្ទាន់
ប្រសិនបើ៖
-
កូនរបស់អ្នកក្អកធ្លាក់ឈាម។
-
កូនរបស់អ្នកចាប់ផ្តើមមានបញ្ហាពិបាកដកដង្ហើមថ្មី ឬបញ្ហាដកដង្ហើមកាន់តែពិបាកជាងមុន។
-
កូនរបស់អ្នកក្តៅខ្លួនថ្មី ឬក្តៅខ្លួនខ្លាំងជាងមុន។
តាមដានឲ្យបានដិតដល់រាល់ការប្រែប្រួលសុខភាពរបស់កូនអ្នក ហើយសូមប្រាកដថាទាក់ទងទៅវេជ្ជបណ្ឌិតរបស់អ្នក
ប្រសិនបើ៖
-
កូនរបស់អ្នកមានរោគសញ្ញាថ្មីដូចជា ឈឺត្រចៀក ឬឡើងកន្ទួលរមាស់។
-
កូនរបស់អ្នកក្អកកាន់តែខ្លាំង ឬកាន់តែញឹកញាប់
ជាពិសេសប្រសិនបើអ្នកកត់សម្គាល់ឃើញមានស្លេសកាន់តែច្រើន ឬស្លេសមានការប្រែពណ៌។
-
កូនរបស់អ្នកមិនបានធូរស្បើយតាមការរំពឹងទុក។
បច្ចុប្បន្នជា: 6 តុលា 2023
កំណែមាតិកា: 14.0
ការណែនាំអំពីការថែទាំដែលត្រូវបានកែសម្រួលក្រោមអាជ្ញាប័ណ្ណដោយ
អ្នកជំនាញថែទាំសុខភាពរបស់អ្នក។ ប្រសិនបើអ្នកមានសំណួរអំពីស្ថានភាពសុខភាព ឬការណែនាំនេះ
សូមសួរអ្នកជំនាញថែទាំសុខភាពរបស់អ្នកជានិច្ច។ Healthwise, Incorporated បដិសេធការធានា
ឬការទទួលខុសត្រូវណាមួយសម្រាប់ការប្រើប្រាស់ព័ត៌មាននេះរបស់អ្នក។