ការស្វែងយល់បន្ថែមអំពីការដកទុយោបង្ហូរទឹកនោមចេញនៅផ្ទះ

Learning About Removing a Foley Catheter at Home

ទិដ្ឋភាពទូទៅ

បំពង់សុងដែលបានស៊កទៅក្នុងប្លោកនោមជួយបង្ហូរប្លោកនោមរបស់អ្នក។ ប្រភេទទូទៅបំផុត គឺទុយោបង្ហូរទឹកនោម។

ទុយោបង្ហូរទឹកនោម គឺជាបំពង់ស្តើងមួយដែលចូលទៅក្នុងបង្ហួរនោមរបស់អ្នក។ វាត្រូវបានដាក់នៅក្នុងប្លោកនោមរបស់អ្នកដោយមានបាឡុងតូចមួយដែលពោរពេញទៅដោយសារធាតុរាវ។ បំពង់នោះបង្ហូរទឹកនោមចេញពីប្លោកនោមរបស់អ្នកចូលទៅក្នុងប្លោកទឹកនោម ឬធុងមួយ។ អ្នកប្រហែលជាបានប្រើទុយោបង្ហូរទឹកនោមរយៈពេលពីរបីថ្ងៃ សប្តាហ៍ ឬខែ។

អ្នកអាចដកទុយោបង្ហូរទឹកនោមនៅផ្ទះបាន នៅពេលដែលវេជ្ជបណ្ឌិតរបស់អ្នកនិយាយថាវាមិនអីទេក្នុងការដកវាចេញ។

តើអ្នកដកទុយោបង្ហូរទឹកនោមនៅផ្ទះដោយរបៀបណា?

របៀបត្រៀមខ្លួនក្នុងការដកទុយោបង្ហូរទឹកនោមចេញនៅផ្ទះ

មុនពេលអ្នកដកទុយោបង្ហូរនោមចេញ ប្រមូលរបស់ដែលអ្នកនឹងត្រូវការទាំងអស់ រួមទាំងស៊ឺរាំង និងបន្ទះស្រូបទឹក។ អ្នកនឹងទទួលបានស៊ឺរាំងដែលមានទំហំដូចគ្នាដែលត្រូវបានប្រើដើម្បីបំប៉ោងបាឡុង។ ស៊ឺរាំងភាគច្រើននឹងត្រូវបិទស្លាក 5 ឬ 10 cc។

1. បង្ហូរទឹកនោមចេញពីប្លោកទឹកនោមឱ្យអស់។

2. លាងសម្អាតដៃរបស់អ្នក។

អ្នកអាចបង្ហូរវាចូលទៅក្នុងបង្គន់ ឬធុង ដូចធម្មតាដែលអ្នកធ្វើ។

អ្នកក៏អាចពាក់ស្រោមដៃប្រើហើយបោះចោលបានផងដែរ ប្រសិនបើអ្នកចង់ពាក់។

របៀបរក្សាជំហរខ្លួនរបស់អ្នកដើម្បីយកទុយោបង្ហូរទឹកនោមចេញ

1. ដោះស្កុត ឬខ្សែដែលចងទុយោបង្ហូរទឹកនោមនៅក្នុងរាងកាយរបស់អ្នកចេញ។

2. សម្អាតតំបន់ប្រដាប់បន្តពូជរបស់អ្នក។

3. ទម្រេតលើខ្នងរបស់អ្នក។

ជាធម្មតាវាត្រូវបានគេភ្ជាប់ទៅនឹងភ្លៅរបស់អ្នក។

អ្នកអាចប្រើសាប៊ូដុំ ទឹក និងក្រណាត់ស្អាត។

អ្នកអាចទម្រេតខ្នងរបស់អ្នកឱ្យត្រង់ខ្លួន។ វាប្រហែលជាកាន់តែមានភាពស្រួលដោយបត់ជង្គង់របស់អ្នក។ ឬអ្នកអាចនៅក្នុងជំហរឈរក្នុងការយកទុយោបង្ហូរទឹកនោមចេញ ប្រសិនបើវាស្រួល

ប្រើក្រដាសជក់ទឹក ឬកន្សែងដើម្បីត្រងទឹកនោមដែលហៀរចេញមក។

របៀបបង្ហូរបាឡុងរបស់ទុយោបង្ហូរទឹកនោម

1. ត្រៀមសឺរ៉ាំង។

2. បញ្ចូលចុងសឺរ៉ាំងចូលទៅក្នុងរន្ធបាឡុងនៅលើទុយោបង្ហូរនោមរបស់អ្នក។

3. អនុញ្ញាតឱ្យសារធាតុរាវហូរចេញ។

4. ប្រសិនបើសឺរ៉ាំងពេញ បង្ហូរវាចេញឱ្យអស់។

អ្នកប្រហែលជាត្រូវរំកិលជ័រជុបឡើងលើ និងចុះក្រោមពីរបីដង ដើម្បីបន្ធូរវា។ ទុកឱ្យវាចំហរប្រហែល 5 ម.ល។

ត្រូវប្រាកដថាអ្នកដឹងថារន្ធមួយណាជារន្ធរបស់បាឡុង។ ជាធម្មតា វាមិនមែន ជាកន្លែងដែលទឹកនោមចេញនោះទេ។

វាគួរតែហូរចេញដោយខ្លួនឯង ដោយអ្នកមិនចាំបាច់ទាញជ័រជុបមកវិញបន្ថែមទៀតនោះទេ។ អ្នកអាចនឹងត្រូវបន្ទាបសឺរ៉ាំងចុះក្រោមបន្តិច ដើម្បីឲ្យសារធាតុរាវហូរចេញ។

អ្នកអាចបង្ហូរវាចេញឱ្យអស់ចូលទៅក្នុងឡាបូ ឬបង្គន់។ ភ្ជាប់សឺរ៉ាំងឡើងវិញ និងមើលថាតើមានសារធាតុរាវហូរចេញទៀតដែរឬទេ។ អ្នកចង់បង្ហូរចេញឱ្យអស់ទាំងស្រុងពីបាឡុង។

បាឡុងនៅក្នងប្លោកនោមរបស់អ្នកគួរតែទទេស្អាតឥឡូវនេះ ដើម្បីឲ្យវាអាចចេញមកបាន។

របៀបទាញទុយោបង្ហូរទឹកនោមចេញ

1. ទាញទុយោបង្ហូរនោមចេញពីបង្ហួរនោមរបស់អ្នកថ្នមៗ

2. គ្រប់គ្រងការដកដង្ហើម។

3. ហាមបង្ខំទាញទុយោបង្ហូរនោមចេញមកក្រៅ។

4. សម្អាតវាចេញ។

5. លាងសម្អាតដៃរបស់អ្នកម្ដងទៀត។

ទាញវាចេញយឺតៗ និងថ្នមៗ។

ការធ្វើបែបនេះនឹងជួយឲ្យអ្នកបន្ធូរអារម្មណ៍។ ទុយោបង្ហូរនោមគួរតែរអិលចេញយ៉ាងងាយស្រួល។

ប្រសិនបើវាមិនរអិលចេញដោយងាយទេ សូមប្រើសឺរុាំងម្ដងទៀតដើម្បីព្យាយាមបង្ហូរវត្ថុរាវបន្ថែមទៀតពីបាឡុង។

បោះចោលទុយោបង្ហូរនោម ប្លោកទឹកនោម និងបន្ទះស្រូបជាតិទឹក ប្រសិនបើអ្នកបានប្រើវារួចម្ដងហើយ។ អ្នកក៏ប្រហែលជាចង់សម្អាតកន្លែងជំុវិញប្រដាប់បន្តពូជរបស់អ្នកម្ដងទៀតផងដែរ។

របៀបថែទាំខ្លួនឯង ក្រោយពេលអ្នកដកទុយោបង្ហូរទឹកនោមចេញ

1. ដែលមានជាតិទឹក។

2. នោម។

3. ត្រៀមខ្លួនឱ្យបានរួចរាល់សម្រាប់ភាពមិនស្រួលមួយចំនួន។

4. ព្យាយាមងូតទឹកក្ដៅអ៊ុនៗ។

ទទួលទានសារធាតុរាវបន្ថែមសម្រាប់រយៈពេលមួយរយៈ លុះត្រាតែវេជ្ជបណ្ឌិតរបស់អ្នកប្រាប់អ្នកមិនឲ្យទទួលទាន។

នោមដូចដែលអ្នកនោមពីមុនមក មុនពេលអ្នកដាក់ទុយោបង្ហូរទឹកនោម។ វេជ្ជបណ្ឌិតរបស់អ្នកប្រហែលជាចង់វាស់បរិមាណទឹកនោម ដើម្បីធ្វើឱ្យប្រាកដថាប្លោកនោមរបស់អ្នក គឺកំពុងដំណើរការដូចប្រក្រតី។

វាអាចក្រហាយបន្តិច ហើយអ្នកអាចឃើញបរិមាណតិចតួចនៃឈាមនៅក្នុងទឹកនោមរបស់អ្នកនៅរយៈពេលពីរបីដងដំបូងដែលអ្នកនោម ក្រោយពីការដកវាចេញ។

ប្រសិនបើវាពិបាកសម្រាប់អ្នកក្នុងការនោម ព្យាយាមអង្គុយចម្ងាយពីរបីអ៊ីញពីទឹកក្ដៅអ៊ុននៅក្នុងអាងទឹក (ងូតទឹកក្ដៅ)។ ប្រសិនបើចង់នោមក្នុងអំឡុងពេលងូតទឹកក្ដៅ វាអាចនឹងកាន់តែងាយស្រួលសម្រាប់អ្នកដើម្បីនោម នៅពេលដែលអ្នកស្ថិតនៅក្នុងអាងទឹក។

តើអ្នកគួរទូរសព្ទរកជំនួយនៅពេលណា?

សូមទូរសព្ទទៅវេជ្ជបណ្ឌិតរបស់អ្នកភ្លាមៗ ឬស្វែងរកការថែទាំផ្នែកវេជ្ជសាស្ត្រជាបន្ទាន់ ប្រសិនបើ៖

• ទុយោបង្ហូរនោមនៅជាប់គាំង ឬមានការឈឺចាប់នៅពេលដែលអ្នកដកវាចេញ។

• ទុយោបង្ហូរទឹកនោមមើលទៅដូចជាដាច់។

• អ្នកមានបញ្ហាក្នុងការនោម បន្ទាប់ពីដកទុយោបង្ហូរនោមចេញ។

• អ្នកមិនអាចដកទុយោបង្ហូរនោមបានយ៉ាងងាយស្រួល។

តាមដានដោយយកចិត្តទុកដាក់ចំពោះការប្រែប្រួលសុខភាពអ្នក ហើយសូមប្រាកដថា អ្នកទាក់ទងទៅវេជ្ជបណ្ឌិតរបស់អ្នក ប្រសិនបើអ្នកមានបញ្ហាសុខភាពណាមួយ។

បច្ចុប្បន្នជា: 15 វិច្ឆិកា 2023

កំណែមាតិកា: 14.0

ការណែនាំអំពីការថែទាំដែលត្រូវបានកែសម្រួលក្រោមអាជ្ញាប័ណ្ណដោយ អ្នកជំនាញថែទាំសុខភាពរបស់អ្នក។ ប្រសិនបើអ្នកមានសំណួរអំពីស្ថានភាពសុខភាព ឬការណែនាំនេះ សូមសួរអ្នកជំនាញថែទាំសុខភាពរបស់អ្នកជានិច្ច។ Healthwise, Incorporated បដិសេធការធានា ឬការទទួលខុសត្រូវណាមួយសម្រាប់ការប្រើប្រាស់ព័ត៌មាននេះរបស់អ្នក។