ការនោមឈឺ (ទាស់នោម)៖ការណែនាំអំពីការថែទាំ

Painful Urination (Dysuria): Care Instructions

ការណែនាំអំពីការថែទាំរបស់អ្នក

ការឈឺចាប់ខ្លាំងជាមួយនឹងការបត់ជើងតូច(នោមទាស់) គឺជារោ​គសញ្ញា​ទូទៅនៃ​ការ​ឆ្លង​មេរោគតាមផ្លូវទឹកនោម ឬបញ្ហាទឹកនោមផ្សេងទៀត។ ប្លោកនោមអាចនឹងរលាក។ នេះអាចបណ្តាលឱ្យឈឺចាប់នៅពេលប្លោកនោមបញ្ចូល និងបញ្ចេញ ។ អ្នកក៏អាចមានអារម្មណ៍ឈឺចាប់ផងដែរ ប្រសិនបើបំពង់ដែល​ដឹក​ទឹក​នោមពី​ប្លោកនោ​ម​ទៅ​ខាង​ក្រៅរាងកាយ (បំពង់បង្ហូរនោម) ក្រហាយ ឬឆ្លងជំងឺ។

ការឆ្លងមេរោគតាមការរួមភេទ (ជំងឺកាមរោគ) ក៏អាចបង្ក​ឱ្យមានការ​ឈឺចាប់ផង​ដែរ​នៅពេលអ្នកនោម។

ពេលខ្លះការឈឺចាប់អាចបណ្តាលមកពីបញ្ហាផ្សេងៗច្រើនជាងការឆ្លងមេរោគ។ បង្ហូរនោមអាចត្រូវបានក្រហាយដោយសាប៊ូ ទឹកអប់ ​ឬកត្តាខាងក្រៅនៅក្នុ​ងបំ​ព​ង់​ប​ង្ហូ​រ​នោ​​ម​។ គ្រួសក្នុងតម្រងនោមអាចបណ្តាលឱ្យឈឺចាប់នៅពេលពួកវាឆ្លងកាត់បំពង់បង្ហូរនោម។

មូលហេតុប្រហែលជាពិបាកស្វែងរក។ អ្នកប្រហែលជាត្រូវការការធ្វើតេស្ត។ ការព្យាបាលចំពោះការនោមឈឺ គឺអាស្រ័យលើមូលហេតុ។

ការ​ថែទាំតាមដាន​ គឺជា​ផ្នែកមួយដ៏សំខាន់ សម្រាប់ការព្យាបាល និង​សុវត្ថិភាព​របស់អ្នក។ សូមប្រាកដ​ថា អ្នកណាត់ជួប និងទៅជួបគ្រូពេទ​គ្រប់ពេល និង​ទូរស​ព្ទទៅ​វេជ្ជបណ្ឌិត​របស់អ្នក​​ប្រសិនបើអ្នក​មានបញ្ហា។ វាក៏ជាគំនិតមួយល្អដែរក្នុងការដឹងអំពីលទ្ធផលធ្វើតេស្តជំងឺ​របស់អ្នក និងរក្សាទុកបញ្ជីថ្នាំដែលអ្នកប្រើ។

តើអ្នកអាចថែទាំខ្លួនអ្នក​នៅផ្ទះបាន​តាម​របៀបណា?

• ផឹកទឹកបន្ថែមសម្រាប់ថ្ងៃបន្ទាប់តទៅ។ ការធ្វើបែបនេះនឹងជួយឱ្យទឹកនោមមិនសូវប្រមូលផ្តុំ។ (ប្រសិនបើអ្នកមានជំងឺតម្រងនោម បេះដូង ឬថ្លើម ហើយត្រូវកំណត់បរិមាណជាតិទឹកនោះ សូមពិភាក្សាជាមួយ​វេជ្ជបណ្ឌិតរបស់អ្នកមុន​នឹងបង្កើនបរិមាណ​សារជាតិទឹកដែលអ្នកផឹក។)

• ចៀសវាងភេសជ្ជៈដែលមានជាតិកាបូណាត ឬមានជាតិកាហ្វេអ៊ីន។ វាអាចបង្កការរំខានដល់ប្លោកនោម។

• បត់ជើងតូចឱ្យបានញឹកញាប់។ ព្យាយាមនោមឱ្យអស់ពីប្លោកនោមរបស់អ្នករាល់ពេល។

សម្រាប់ស្ត្រី៖

• នោមភ្លាមៗបន្ទាប់ពីអ្នករួមភេទ។

• បន្ទាប់ពីប្រើប្រាស់បន្ទប់ទឹក សូមជូតពីមុខទៅខាងក្រោយ។

• ចៀសវាងថ្នាំបាញ់លាងយោនី ងូតទឹកសាប៊ូ និងស្រ្ពាយបាញ់​អនាម័យ​ស្ត្រី។ និងចៀសវាងផលិតផលអនាម័យស្ត្រីដទៃទៀត ដែលមានជាតិថ្នាំបំបាត់ខ្លិន។

តើពេលណាដែលអ្នកគួរហៅសុំជំនួយ?

សូមហៅទូរសព្ទទៅវេជ្ជបណ្ឌិតរបស់អ្នកភ្លាម ឬស្វែង​រក​ការ​ថែទាំផ្នែក​វេជ្ជសាស្ត្រជាបន្ទាន់ ប្រសិនបើ៖

• អ្នកមានរោគសញ្ញាថ្មីដូចជា គ្រុនក្តៅ ចង្អោរ ឬក្អួត។

• អ្នកមានរោគសញ្ញាថ្មី ឬអាក្រក់ទៅៗនៃបញ្ហាផ្លូវទឹកនោម។ ឧទាហរណ៍៖

  • អ្នកមានឈាម ឬខ្ទុះនៅក្នុងទឹកនោមរបស់អ្នក។

  • អ្នកគ្រុនញាក់ ឬឈឺរាងកាយ។

  • វាកាន់តែឈឺចាប់ក្នុងការនោម។

  • អ្នកឈឺក្រលៀន ឬពោះ។

  • អ្នកមានការឈឺចាប់នៅខ្នងផ្នែកក្រោមឆ្អឹងជំនីរបស់អ្នក (តំបន់តូចក្រញ៉ាំ) ។

តាមដានដោយយកចិត្តទុកដាក់ចំពោះការប្រែប្រួលសុខភាពអ្នក ហើយ​សូម​ប្រាកដថា អ្នកទាក់ទងទៅវេជ្ជបណ្ឌិតរបស់អ្នក ប្រសិន​បើអ្នក​មាន​បញ្ហា​​សុខ​ភាព​ណាមួយ។

បច្ចុប្បន្នជា: 15 វិច្ឆិកា 2023

កំណែមាតិកា: 14.0

ការណែនាំអំពីការថែទាំដែលត្រូវបានកែសម្រួលក្រោមអាជ្ញាប័ណ្ណដោយ អ្នកជំនាញថែទាំសុខភាពរបស់អ្នក។ ប្រសិនបើអ្នកមានសំណួរអំពីស្ថានភាពសុខភាព ឬការណែនាំនេះ សូមសួរអ្នកជំនាញថែទាំសុខភាពរបស់អ្នកជានិច្ច។ Healthwise, Incorporated បដិសេធការធានា ឬការទទួលខុសត្រូវណាមួយសម្រាប់ការប្រើប្រាស់ព័ត៌មាននេះរបស់អ្នក។