ការស្វែងយល់ពី COPD និងការឆ្លងរោគផ្លូវដង្ហើមផ្នែកខាងលើ

Learning About COPD and Upper Respiratory Infections

តើការឆ្លងមេរោគផ្លូវដង្ហើមផ្នែកខាងលើជាអ្វី?

ជំងឺបង្ករដោយមេរោគតាមផ្លូវដង្ហើមផ្នែកខាងលើ ក៏ត្រូវបានគេហៅផងដែរថា URI គឺជាជំងឺបង្ករដោយមេរោគនៃច្រមុះ រន្ធឆ្អឹង ឬបំពង់ក។ មេរោគ ឬបាក់តេរីអាចបណ្តាលឱ្យមាន URIs ។ ផ្តាសាយ គ្រុនផ្តាសាយ និងរលាកឆ្អឹងរូងច្រមុះ គឺជាឧទាហរណ៍នៃ URIs ។ ការឆ្លងមេរោគទាំងនេះ ឆ្លងតាមរយៈការក្អក កណ្តាស់ និងប៉ះពាល់ដោយផ្ទាល់។

តើការឆ្លងរោគទាំងនេះប៉ះពាល់ដល់ COPD យ៉ាងណាខ្លះ?

ផ្ដាសាយ គ្រុនផ្ដាសាយធំ និងជំងឺផ្លូវដង្ហើមផ្នែកខាងលើអាចធ្វើឲ្យរោគសញ្ញា COPD កាន់តែដុនដាបទៅៗ។ រោគសញ្ញាទាំងនេះរួមមាន ការមានស្លេសនៅក្នុងសួតរបស់អ្នកច្រើនពេក ក្អក និងហត់ដង្ហក់។

តើអ្នកអាចថែទាំខ្លួនឯងនៅផ្ទះបានដោយរបៀបណា?

• ដើម្បីបង្ការការខ្សោះជាតិទឹក សូមទទួលទានទឹកឱ្យបានច្រើន។ ជ្រើសរើសទឹក និងសារធាតុរាវស្អាតផ្សេងទៀត រហូតទាល់តែអ្នកមានអារម្មណ៍ធូរស្រាល។ ប្រសិនបើអ្នកមានជំងឺតម្រងនោម បេះដូង ឬថ្លើម ហើយត្រូវកំណត់បរិមាណសារធាតុរាវ នោះ សូមពិភាក្សាជាមួយវេជ្ជបណ្ឌិតរបស់អ្នកមុននឹងបង្កើនបរិមាណសារធាតុរាវដែលអ្នកផឹក។

• សួរវេជ្ជបណ្ឌិតរបស់អ្នកថា តើអ្នកអាចលេបថ្នាំ បំបាត់ការឈឺចាប់ដោយគ្មានវេជ្ជបញ្ជាដូចជា acetaminophen (Tylenol), ibuprofen (Advil, Motrin) ឬ naproxen (Aleve) ដែរឬទេ។ ត្រូវប្រើប្រាស់ថ្នាំប្រកបដោយសុវត្ថិភាព។ សូមអាន និងអនុវត្តតាមការណែនាំទាំងអស់ដែលមាននៅលើស្លាក។ មិនគួរឱ្យអ្នកដែលមានអាយុក្រោម 20 ឆ្នាំប្រើអាស្ពីរីននោះទេ។ វាពាក់ព័ន្ធនឹងរោគសញ្ញាជំងឺខ្វះជាតិស្ករ ដែលជាជំងឺធ្ងន់ធ្ងរ។

• សូមប្រុងប្រយ័ត្ននៅពេលប្រើថ្នាំផ្តាសាយ ឬថ្នាំគ្រុនផ្តាសាយធំដែលមិនមានវេជ្ជបញ្ជាជាមួយថ្នាំ Tylenol ក្នុងពេលដំណាលគ្នា។ ថ្នាំបំបាត់ការឈឺចាប់មួយចំនួនមានជាតិថ្នាំអាសេតាមីណូហ្វេន ដែលជា Tylenol។ សូមអានស្លាកដើម្បីប្រាកដថា អ្នកមិនកំពុងប្រើប្រាស់លើសពីបរិមាណដែលបានណែនាំ។ ថ្នាំអាសេតាមីណូហ្វេន (ទីឡេណុល) ច្រើនពេកអាចបណ្តាលឲ្យមានគ្រោះថ្នាក់។

• សម្រាកឱ្យបានច្រើន។

• ប្រើការលាងច្រមុះដោយសារ៉ូមប្រៃ (ទឹកប្រៃ) ដើម្បីជួយរក្សាច្រមុះរបស់អ្នកឱ្យបើក និងលាងសម្អាតស្លេស និងអាលែកហ្ស៊ី។ អ្នកអាចទិញថ្នាំបាញ់ច្រមុះដោយសារ៉ូមប្រៃនៅហាងលក់គ្រឿងទេស ឬឱសថស្ថាន។ អនុវត្តតាមការណែនាំនៅលើកញ្ចប់។ ឬអ្នកអាចធ្វើវាដោយខ្លួនឯងបាននៅផ្ទះ។ បន្ថែមអំបិលដែលមិនមានអ៊ីយ៉ូដ 1 ស្លាបព្រាកាហ្វេ និងទឹកសូដា 1 ស្លាបព្រាកាហ្វេទៅក្នុងទឹកចំហុយ ឬទឹកដាំពុះ និងទឹកត្រជាក់ 2 ពែង។ ចាក់ទឹកលាងច្រមុះចូលដបច្របាច់ ឬកូនកំសៀវតូច។ បន្ទាប់មកដាក់ចំពួយដប ឬចំពួយកំសៀវទៅក្នុងរន្ធច្រមុះរបស់អ្នក ហើយទោរទៅលើផើងទឹក។ ហាមាត់របស់អ្នក ហើយបាញ់ទឹកចូលមាត់ថ្នមៗ។ ធ្វើបែបនេះឡើងវិញនៅផ្នែកម្ខាងទៀត។

• ប្រើម៉ាស៊ីនចំហាយទឹក ឬម៉ាស៊ីនផ្សើម ដើម្បីបន្ថែមសំណើមក្នុងបន្ទប់គេងរបស់អ្នក។ អនុវត្តតាមការណែនាំសម្រាប់ការសម្អាតម៉ាស៊ីន។

• ហាមជក់បារី ឬឱ្យអ្នកដទៃជក់បារីក្បែរអ្នក។ ប្រសិនបើអ្នកត្រូវការជំនួយក្នុងការផ្តាច់បារី សូមពិគ្រោះជាមួយវេជ្ជបណ្ឌិតរបស់អ្នកអំពីកម្មវិធី និងថ្នាំផ្តាច់បារី។ កម្មវិធីនិងថ្នាំទាំងនេះ អាចបង្កើនឱកាសរបស់អ្នកក្នុងការផ្តាច់បារីបានជារៀងរហូត។

តើអ្នកអាចជួយបង្ការការឆ្លងរោគផ្លូវដង្ហើមផ្នែកខាងលើបានយ៉ាងដូចម្តេច?

មានរឿងជាច្រើនដែលអ្នកអាចធ្វើដើម្បីជួយបង្ការផ្តាសាយ និងការឆ្លងរោគផ្លូវដង្ហើមផ្នែកខាងលើ (URIs)៖

• លាងសម្អាតដៃរបស់អ្នកឱ្យបានញឹកញាប់។

• សូមប្រុងប្រយ័ត្នបន្ថែមនៅក្នុងរដូវរងារ និងនៅពេលដែលអ្នកនៅក្បែរអ្នកដែលមានជំងឺផ្តាសាយ។

• ដាក់ដៃរបស់អ្នកឱ្យនៅឆ្ងាយពីមុខរបស់អ្នក។ ច្រមុះ ភ្នែក និងមាត់របស់អ្នកគឺជាកន្លែងដែលមេរោគងាយចូលទៅក្នុងរាងកាយរបស់អ្នកបំផុត។

• បរិភោគឱ្យបានគ្រប់គ្រាន់ ព្រមទាំងគេង និងធ្វើលំហាត់ប្រាណឲ្យបានច្រើន។ ការធ្វើបែបនេះធ្វើឱ្យរាងកាយរបស់អ្នករឹងមាំ ដូច្នេះរាងកាយរបស់អ្នកអាចតទល់ប្រឆាំងនឹង URIs បាន។

• ហាមជក់បារី។ ការជក់បារីធ្វើឱ្យងាយទទួល URI ហើយក៏ពិបាកព្យាបាលផងដែរ។

ការ​ថែទាំតាមដាន​ គឺជា​ផ្នែកមួយដ៏សំខាន់ សម្រាប់ការព្យាបាល និង​សុវត្ថិភាព​របស់អ្នក។ សូមប្រាកដ​ថា អ្នកណាត់ជួប និងទៅជួបគ្រូពេទ​គ្រប់ពេល និង​ទូរស​ព្ទទៅ​វេជ្ជបណ្ឌិត​របស់អ្នក​​ប្រសិនបើអ្នក​មានបញ្ហា។ វាក៏ជាគំនិតមួយល្អដែរក្នុងការដឹងអំពីលទ្ធផលធ្វើតេស្តជំងឺ​របស់អ្នក និងរក្សាទុកបញ្ជីថ្នាំដែលអ្នកប្រើ។

បច្ចុប្បន្នជា: 5 តុលា 2023

កំណែមាតិកា: 14.0

ការណែនាំអំពីការថែទាំដែលត្រូវបានកែសម្រួលក្រោមអាជ្ញាប័ណ្ណដោយ អ្នកជំនាញថែទាំសុខភាពរបស់អ្នក។ ប្រសិនបើអ្នកមានសំណួរអំពីស្ថានភាពសុខភាព ឬការណែនាំនេះ សូមសួរអ្នកជំនាញថែទាំសុខភាពរបស់អ្នកជានិច្ច។ Healthwise, Incorporated បដិសេធការធានា ឬការទទួលខុសត្រូវណាមួយសម្រាប់ការប្រើប្រាស់ព័ត៌មាននេះរបស់អ្នក។