Tom Qab Yug Me Nyuam: Cov Lus Qhia Rau Kev Saib Xyuas

Postpartum: Care Instructions

Koj Cov Lus Qhia Rau Kev Saib Xyuas

Tom qab yug me nyuam (lub sij hawm tom qab yug me nyuam), koj lub cev yuav muaj ntau yam kev hloov pauv. Qee qhov kev hloov pauv no tshwm sim ntau lub lim tiam. Hauv ob peb teev tom qab yug me nyuam, koj lub cev yuav rov zoo los ntawm kev yug me nyuam thaum nws npaj pub mis rau koj tus me nyuam mos noj. Koj tuaj yeem hnov txoj kev xav nyob rau lub sij hawm no. Koj cov hormone tuaj yeem hloov pauv koj lub siab yam tsis ceeb toom yam tsis muaj laj thawj dab tsi li.

Hauv thawj ob peb lub lim tiam tom qab yug me nyuam, ntau tus poj niam muaj lub siab xav hloov pauv ntawm zoo siab mus rau kev tu siab. Tej zaum koj yuav pom nws nyuaj rau kev pw. Tej zaum koj yuav quaj heev. Qhov no yog hu ua "kev nyuaj siab vim muaj nyuam (baby blues)." Cov cwj pwm kev ntxov siab dhau lawm no feem ntau yuav ploj mus li ntawm ob peb hnub los sis tsheej hlis. Tab sis nws yog ib qho tseem ceeb kom tham txog koj txoj kev xav nrog koj tus kws kho mob.

Nws yog qhov yooj yim kom nkees thiab ntxhov siab dhau thawj lub lis tiam tom qab yug me nyuam. Tsis txhob sim ua ntau dhau. So kom txaus thaum koj tuaj yeem, txais kev pab los ntawm lwm tus, thiab noj kom zoo thiab haus dej kom ntau.

Thawj ob peb lub lis tiam tom qab yug me nyuam, koj tus kws kho mob los sis kws pab yug me nyuam yuav xav nrog koj tham thiab tsim ib txoj kev npaj ua kom tau kev saib xyuas koj xav tau. Tej zaum koj yuav tuaj ntsib tom qab yug me nyuam tas thawj 3 lub hlis tom qab yug me nyuam tas. Lub sij hawm ntawd, koj tus kws kho mob los sis kws pab yug me nyuam yuav tshuaj xyuas koj txoj kev zoo los ntawm kev yug me nyuam. Nws tseem yuav pom tias koj ua li cas nrog koj lub siab thiab tham txog koj cov kev txhawj xeeb los sis lus nug.

Kev rov qab saib xyuas yog qhov tseem ceeb ntawm koj txoj kev kho thiab kev nyab xeeb. Nco ntsoov ua thiab mus rau txhua lub sij hawm teem sijhawm, thiab hu rau koj tus kws kho mob yog tias koj muaj teeb meem. Nws tseem yog ib qho tswv yim zoo kom paub txog koj qhov kev kuaj mob thiab khaws cov npe tshuaj uas koj noj.

Koj tuaj yeem saib xyuas koj tus kheej hauv tsev li cas?

  • Pw tsaug zog los sis so kom txaus thaum koj tus me nyuam pw.

  • Tau txais kev pab nrog kev ua hauj lwm hauv tsev los ntawm tsev neeg los sis cov phooj ywg, yog tias koj tuaj yeem ua tau. Tsis txhob sim ua txhua yam los ntawm koj tus kheej.

  • Yog tias koj mob nqaij hlav hauv txoj hnyuv qhov quav los sis o los sis mob ibncig ntawm koj qhov ncauj chaw mos, sim siv dej txias thiab dej kub. Koj tuaj yeem tso cov nab kuab los sis dej txias rau ntawm thaj chaw li 10 mus rau 20 feeb nyob rau ib zaug. Muab ib daim ntaub nyias-nyias qhwv dej khov npuab koj cov tawv nqaij. Kuj sim zaum hauv ob peb nti dej sov (sitz da dej) 3 zaug hauv ib hnub thiab tom qab ua plab hnyuv.

  • Noj tshuaj mob raws nraim li tau qhia tseg.

    • Yog tias tus kws kho mob muab tshuaj rau koj qhov mob, noj nws raws li cov kws kho mob tau sau tseg.

    • Yog tias koj tsis noj tshuaj kom tsis txhob mob, nug koj tus kws kho mob yog tias koj tuaj yeem noj cov tshuaj yuav tom khw tau.

  • Noj haus kom muaj cov fiber ntau kom tsis txhob cem quav. Suav cov khoom noj xws li cov qhob cij nplej thiab cov hmoov nplej, zaub nyoos, txiv hmab txiv ntoo nyoo thiab qhuav, thiab taum pauv.

  • Haus dej kom ntau txaus. Yog tias koj muaj lub raum, mob plawv, los sis kab mob siab thiab yuav tsum txwv dej, tham nrog koj tus kws kho mob ua ntej koj nce cov dej uas koj haus.

  • Tsis txhob yaug sab hauv koj lub qhov ntawm qhov chaw mos nrog kua dej (douche).

  • Yog tias koj tawv nqaij muaj ua pleb, tu qhov chaw ntawd kom huv si los ntawm kev nchuav los yog tsuag dej sov rau thaj chaw sab nraum koj lub qhov chaw mos thiab lub qhov quav tom qab koj siv chav dej tas.

  • Sau ib daim ntawv uas muaj lus nug mus nug koj tus kws kho mob los sis tus saib xyuas yug me nyuam. Tej zaum koj cov lus nug tuaj yeem yuav hais txog:

    • Hloov pauv hauv koj lub mis, xws li qog los sis kev mob.

    • Thaum twg thiaj li cia siab tias koj coj khaub ncaws yuav pib dua.

    • Hom kev tswj tsis pub muaj me nyuam twg yog qhov zoo tshaj plaws rau koj.

    • Qhov ceeb thawj uas koj muaj thaum cev xeeb tub.

    • Cov kev xaiv qoj ib ce.

    • Cov khoom noj thiab khoom haus dab tsi zoo tshaj rau koj, tshwj xeeb yog tias koj pub niam mis.

    • Cov teeb meem koj yuav muaj nrog pub niam mis.

    • Thaum uas koj tuaj yeem muaj kev sib deev tau. Qee tus poj niam yuav xav tham txog cov tshuaj pleev rau poj niam qhov chaw mos.

    • Cov kev kev xav tu siab los sis nyob tsis tswm uas koj muaj.

Koj yuav tsum hu nrhiav kev pab thaum twg?

Hu rau 911 tau txhua lub sij hawm uas koj xav tias koj yuav tsem tau kev saib xyuas thaum muaj xwm ceev. Piv txwv, hu rau yog tias:

  • Koj muaj txoj kev xav tias yuav kev pheej hmoo rau koj tus kheej, koj tus me nyuam los sis lwm tus neeg.

  • Koj tsis hnov lawm (tsis nco qab lawm).

  • Koj muaj tsos mob hauv siab, ua tsis taus pa, los sis hnoos tau ntshav.

  • Koj muaj tsos mob qaug dab peg.

Hu rau koj tus kws kho mob tam sim no los sis mus ntsib kws kho mob tam sis ntawv yog tias:

  • Koj qhov chaw mos los ntshav zoo li yuav los hlob dua qub.

  • Koj kiv taub hau los sis dias taub hau, los sis koj mloog zoo li koj yuav tsaus muag.

  • Koj ua npaws.

  • Koj rov muaj tsos mob plab dua tshiab los yog mob lub plab dua qub.

  • Koj muaj cov tsos mob ua mob ntshav txaws hauv koj txhais ceg (hu ua txoj hlab ntshav khov), xws li:

    • Kev mob hauv plab hlaub, roob hlaub, hauv caug, los sis puab tais.

    • Liab thiab o hauv koj txhais ceg los sis puab tais.

  • Koj muaj kev ceeb toom ntawm tsos mob khaus tias raug txhaum, xws li:

    • Cia li o koj lub ntsej muag, ob txhais tes los sis txhais taw.

    • Cov teeb meem kev ntsia pom dua tshiab (xws li qhov pom zem zuag, pom plooj, los sis kev ntsia pom txhua qhov chaw).

    • Mob taub hau hnyav heev.

Saib kev hloov pauv hauv koj li kev noj qab haus huv kom ze, thiab nco ntsoov hu rau koj tus kws kho mob yog tias:

  • Koj muaj coj khaub ncaws dawb dua tshiab los yog coj khaub ncaws hnyav dua qub.

  • Koj hnov tau tias tu siab los sis nyuab siab.

  • Koj tab tom muaj teeb meem nrog koj lub mis los sis kev pub niam mis.

Tam sim no raws li ntawm: 10 July 2023

Cov ntsiab lus Version: 14.0

Cov lus qhia kev saib xyuas tau yoog raws li daim ntawv tso cai los ntawm koj tus kws kho mob. Yog tias koj muaj lus nug txog kev mob lossis kev qhia ntawv no, ib txwm nug koj tus kws kho mob. Healthwise, suav nrog tsis lees paub kev lav phib xaub lossis kev lav phib xaub rau koj qhov kev siv cov ntaub ntawv no.

© 2006-2025 Healthwise, Incorporated.