ការផ្ដាច់ថ្នាំជក់៖ការណែនាំអំពីការថែទាំ

អ្នកនឹងនឹកនីកូទីននៅពេលដំបូង។ អ្នកប្រហែលជាមានអារម្មណ៍ឆេវឆាវ និងមួម៉ៅ។ អ្នកប្រហែលជាមានបញ្ហាក្នុងការគេង ឬគិតបានច្បាស់ល្អ។ ការជម្រុញឱ្យប្រើថ្នាំជក់អាចបន្តមួយរយៈពេលទៀត។

ការរួមបញ្ជូលឧបករណ៍ អាចបង្កើនឱកាសជោគជ័យរបស់អ្នក។ អ្នកអាចប្រើថ្នាំរួមជាមួយនឹងការប្រឹក្សាយោបល់បាន។ ហើយអ្នកអាចចូលរួមក្នុងកម្មវិធីផ្ដាច់ថ្នាំជក់ដូចជា កម្មវិធីសេរីភាពពីការជក់បារីរបស់សមាគមន៍សួតអាមេរិក។

ទទួលជំនួយ។ ទាក់ទងទៅគ្រួសារ និងមិត្តភក្តិ ហើយស្វែងរកអ្នកប្រឹក្សាដើម្បីជួយអ្នកក្នុងការផ្ដាច់។ ចូលរួមក្រុមជំនួយ ដូចជា Nicotine Anonymous។ សូមចូលទៅគេហទំព័រ www.smokefree.gov ដើម្បីចុះឈ្មោះសម្រាប់ជំនួយសារជាអក្សរ។

ពិភាក្សាជាមួយគ្រូពេទ្យ ឬឱសថការីរបស់អ្នកអំពីថ្នាំដែលអាចជួយអ្នកបានក្នុងការផ្ដាច់។ ថ្នាំអាចជួយបានទាក់ទងនឹងចំណង់ និងរោគសញ្ញានៃការធ្លាក់ចុះ។ មានជម្រើសពុំចាំបាច់មានវេជ្ជបញ្ជាជាច្រើនដូចជា ថ្នាំបំណះជាតិនីកូទីន ស្ករកៅស៊ូ និងថ្នាំគ្រាប់។

បន្ទាប់ពីអ្នកបានផ្ដាច់ កុំប្រើថ្នាំជក់ម្តងទៀត មិនសូម្បីតែម្តង។ កម្ចាត់ចោលរាល់ផលិតផលថ្នាំជក់ទាំងអស់ និងអ្វីដែលរំលឹកអ្នកអំពីថ្នាំជក់ដូចជា ចានគោះបារី។

ជៀសវាងអ្វីដែលធ្វើឲ្យអ្នកឈានដល់ការប្រើប្រាស់ថ្នាំជក់។ ផ្លាស់ប្តូរទម្លាប់ប្រចាំថ្ងៃរបស់អ្នក។ ផ្លាស់ប្ដូរផ្លូវផ្សេងទៅធ្វើការ ឬបរិភោគអាហារនៅកន្លែងផ្សេង។

ព្យាយាមកាត់បន្ថយភាពតានតឹង។ ស្វែងរកវិធីធ្វើឱ្យខ្លួនអ្នកស្ងប់ ដូចជា ការងូតទឹកក្ដៅ ឬការធ្វើលំហាត់ប្រាណដំណកដង្ហើមវែងៗ។

បរិភោគរបបអាហារដែលធ្វើឲ្យមានសុខភាពល្អ និងធ្វើលំហាត់ប្រាណជាប្រចាំ។ ការមានទម្លាប់ដែលធ្វើឱ្យមានសុខភាពល្អ អាចជួយអ្នកឱ្យឈប់ប្រើប្រាស់ថ្នាំជក់បាន។

កុំបោះបង់ចោលលើការផ្ដាច់ ប្រសិនបើអ្នកប្រើប្រាស់ថ្នាំជក់ម្តងទៀត។ មនុស្សភាគច្រើនផ្ដាច់ ហើយចាប់ផ្ដើមឡើងវិញពីរបីដង មុនពេលពួកគេផ្ដាច់ជារៀងរហូត។