ការវាយលុករបស់ជំងឺហឺត៖ការណែនាំអំពីការថែទាំ

Asthma Attack: Care Instructions

ទិដ្ឋភាពទូទៅ​

អំឡុងពេលនៃការវាយប្រហារដោយជំងឺហឺត បំពង់ខ្យល់ហើម និងចង្អៀត។ នេះនឹងធ្វើឱ្យវាពិបាកក្នុងការដកដង្ហើម។ ការវាយប្រហារដោយជំងឺហឺតធ្ងន់ធ្ងរអាចនឹងមានគ្រោះថ្នាក់។ ប៉ុន្តែអ្នកអាចជួយបង្ការការវាយប្រហារទាំងនេះបានដោយគ្រប់គ្រងស្ថានភាពជំងឺហឺតរបស់អ្នក និងព្យាបាលរោគសញ្ញាមុននឹងវាកាន់តែធ្ងន់ធ្ងរ។ រោគសញ្ញារួមមាន ដង្ហើមខ្លី មានសភាពតឹងទ្រូង ក្អក និងដកដង្ហើមមានសំឡេង។ ការកត់សម្គាល់ និង​ការព្យាបាល​រោគសញ្ញាទាំងនេះក៏អាចជួយឲ្យអ្នកជៀសវាងពីការទៅបន្ទប់សង្គ្រោះ​បន្ទាន់បានផងដែរ។

ប្រសិនបើអ្នកកត់សម្គាល់ឃើញមានបញ្ហាមួយចំនួន ឬ រោគសញ្ញាថ្មីៗ សូម​ធ្វើ​ការ​​ព្យាបាលជាបន្ទាន់។

ការ​ថែទាំតាមដាន​ គឺជា​ផ្នែកមួយដ៏សំខាន់ សម្រាប់ការព្យាបាល និង​សុវត្ថិភាព​របស់អ្នក។ សូមប្រាកដ​ថា អ្នកណាត់ជួប និងទៅជួបគ្រូពេទ​គ្រប់ពេល និង​ទូរស​ព្ទទៅ​វេជ្ជបណ្ឌិត​របស់អ្នក​​ប្រសិនបើអ្នក​មានបញ្ហា។ វាក៏ជាគំនិតមួយល្អដែរក្នុងការដឹងអំពីលទ្ធផលធ្វើតេស្តជំងឺ​របស់អ្នក និងរក្សាទុកបញ្ជីថ្នាំដែលអ្នកប្រើ។

តើអ្នកអាចថែទាំខ្លួនឯងនៅផ្ទះបានដោយរបៀបណា?

• សូមអនុវត្តតាមផែនការសកម្មភាពសម្រាប់ជំងឺហឺតរបស់អ្នកដើម្បីបង្ការ និងព្យាបាលការវាយប្រហារ។ ប្រសិនបើអ្នកមិនមានផែនការសកម្មភាពសម្រាប់ជំងឺហឺតទេ សូមធ្វើការជាមួយវេជ្ជបណ្ឌិតរបស់អ្នកដើម្បីបង្កើតផែនការមួយ។

• ប្រើប្រាស់ថ្នាំជំងឺហឺតរបស់អ្នកឱ្យបានត្រឹមត្រូវទៅតាមវេជ្ជបញ្ជា។ ពិភាក្សាជាមួយវេជ្ជបណ្ឌិតរបស់អ្នកភ្លាមៗ ប្រសិនបើអ្នកមានសំណួរណាមួយអំពីរបៀបប្រើវា។

  • ប្រើថ្នាំបំបាត់ការឈឺចាប់រហ័ស នៅពេលអ្នកមានរោគសញ្ញានៃការវាយប្រហារដោយជំងឺហឺត។ មនុស្សមួយចំនួនចាំបាច់ត្រូវប្រើថ្នាំបំបាត់ការឈឺចាប់រហ័ស មុនពេលពួកគេធ្វើលំហាត់ប្រាណដើម្បីបង្ការរោគសញ្ញាជំងឺហឺត។ Albuterol គឺជាថ្នាំបំបាត់ការឈឺចាប់រហ័សដែលត្រូវបានប្រើប្រាស់ជាញឹកញាប់។ ក្នុងករណីមួយចំនួន ប្រភេទនៃបំពង់ហឺតកាត់បន្ថយការរលាក្នុងសួតមួយចំនួន ត្រូវបានប្រើប្រាស់ជាថ្នាំធូរសះស្បើយឆាប់រហ័ស។ សូមសួរវេជ្ជបណ្ឌិតរបស់អ្នកពីអ្វីដែលត្រូវប្រើសម្រាប់ការធូរសះស្បើយឆាប់រហ័ស។

  • សូមប្រើថ្នាំកាត់បន្ថយការរលាក្នុងសួតរបស់អ្នក។ ប្រសិនបើអ្នកមានរោគសញ្ញាញឹកញាប់ នោះអ្នកនឹងទំនងជាត្រូវប្រើវារៀងរាល់ថ្ងៃ។ ជាទូទៅ ថ្នាំកាត់បន្ថយការរលាក្នុងសួតរួមមាន គ័រទីកូស្ដេរ៉ូអ៊ីតស្រូបចូលតាមច្រមុះ។ គោលដៅ គឺដើម្បីបង្ការបញ្ហានានា មុនពេលដែលវាកើតមានឡើង។

  • ប្រសិនបើវេជ្ជបណ្ឌិតរបស់អ្នកចេញវេជ្ជបញ្ជាឱ្យប្រើគ្រាប់ថ្នាំគ័រទីកូស្ដេរ៉ូអ៊ីតអំឡុងពេលការវាយប្រហារ សូមប្រើប្រាស់វាឱ្យបានត្រឹមត្រូវទៅតាមវេជ្ជបញ្ជា។ វាអាចនឹងចំណាយពេលជាច្រើនម៉ោងសម្រាប់ថ្នាំដើម្បីធ្វើការ ប៉ុន្តែវាប្រហែលជាធ្វើឱ្យដំណាក់កាលកើតមានរោគមានរយៈពេលខ្លីជាងមុន និងជួយឱ្យអ្នកដកដង្ហើមបានស្រួលជាងមុន។

  • សូមរក្សាទុកថ្នាំធូរស្បើយឆាប់រហ័សរបស់អ្នកនៅជាមួយអ្នកគ្រប់ពេល។

• ពិគ្រោះជាមួយវេជ្ជបណ្ឌិតរបស់អ្នក មុនពេលប្រើប្រាស់ថ្នាំផ្សេងទៀត។ ថ្នាំមួយចំនួនដូចជា អាស្ពីរីន អាចបណ្ដាលឲ្យមានការវាយប្រហារដោយជំងឺហឺតចំពោះមនុស្សមួយចំនួន។

• ប្រសិនបើអ្នកមានឧបករណ៍វាស់លំហូរខ្យល់ដង្ហើម សូមប្រើវាដើម្បីពិនិត្យមើលថាតើអ្នកកំពុងដកដង្ហើមបានល្អកម្រិតណា។ ការធ្វើបែបនេះអាចជួយអ្នកស្មានដឹងពីពេលវេលាដែលការវាយប្រហារដោយជំងឺហឺតនឹងកើតមាន។ បន្ទាប់មកអ្នកអាចប្រើថ្នាំដើម្បីបង្ការការវាយប្រហារដោយជំងឺហឹត ឬធ្វើឱ្យវាមិនសូវធ្ងន់ធ្ងរ។

• ហាមជក់បារី ឬឱ្យអ្នកដទៃជក់បារីក្បែរអ្នក។ ជៀសវាងកន្លែងដែលមានផ្សែង។ ការជក់បារីធ្វើឱ្យជំងឺហឺតកាន់តែធ្ងន់ធ្ងរ។ ប្រសិនបើអ្នកត្រូវការជំនួយក្នុងការផ្តាច់បារី សូមពិគ្រោះជាមួយវេជ្ជបណ្ឌិតរបស់អ្នកអំពីកម្មវិធី និងថ្នាំផ្តាច់បារី។ កម្មវិធីនិងថ្នាំទាំងនេះ អាចបង្កើនឱកាសរបស់អ្នកក្នុងការផ្តាច់បារីបានជារៀងរហូត។

• ស្វែងយល់អំពីអ្វីដែលជាកត្តាបង្កឱ្យមានការវាយប្រហារដោយជំងឺហឺតសម្រាប់អ្នក និងជៀសសវាងកត្តាបង្កទាំងនោះនៅពេលដែលអ្នកអាចធ្វើបាន។ កត្តាបង្កទូទៅរួមមាន ជំងឺផ្តាសាយ ផ្សែង ការបំពុលខ្យល់ ធូលីដី លម្អង ផ្សិត សត្វចិញ្ចឹម កន្លាត ការតានតឹងអារម្មណ៍ និងខ្យល់ត្រជាក់។

• ជៀសវាងជំងឺឆ្លងបង្កដោយមេរោគដូចជា ជំងឺកូវីដ-19 ជំងឺផ្ដាសាយ និងជំងឺគ្រុនផ្ដាសាយ។ លាងដៃរបស់អ្នកឱ្យបានញឹកញាប់។ ពិគ្រោះជាមួយវេជ្ជបណ្ឌិតរបស់អ្នកអំពីការចាក់វ៉ាក់សាំងបង្ការជំងឺរលាកសួត។ ប្រសិនបើអ្នកធ្លាប់ចាក់រួចពីមុនមក សូមសួរវេជ្ជបណ្ឌិតរបស់អ្នកក្នុងករណីដែលអ្នកត្រូវចាក់ដូសទីពីរ។ សូមចាក់វ៉ាក់សាំងបង្ការជំងឺគ្រុនផ្តាសាយនៅរៀងរាល់រដូវស្លឹកឈើជ្រុះ។ ចាក់វ៉ាក់សាំងបង្ការជំងឺកូវីដ-19 របស់អ្នកឱ្យបានគ្រប់ចំនួន។

តើពេលណាដែលអ្នកគួរហៅសុំជំនួយ?

ទូរសព្ទ 911 គ្រប់​ពេល​ដែល​អ្នក​គិត​ថា​អ្នកអាចត្រូវការ​ការថែ​ទាំ​បន្ទាន់។ ឧទាហរណ៍ សូមទូរសព្ទ ប្រសិនបើ៖

• អ្នកបញ្ហាក្នុងការពិបាកដកដង្ហើមខ្លាំង។

សូមហៅទូរសព្ទទៅវេជ្ជបណ្ឌិតរបស់អ្នកភ្លាម ឬស្វែង​រក​ការ​ថែទាំផ្នែក​វេជ្ជសាស្ត្រជាបន្ទាន់ ប្រសិនបើ៖

• រោគសញ្ញារបស់អ្នកមិនបានធូរស្បើយបន្ទាប់ពីអ្នកបានអនុវត្តតាមផែនការសកម្មភាពនៃជំងឺហឺត។

• អ្នកចាប់ផ្តើមមានបញ្ហាពិបាកដកដង្ហើម ឬបញ្ហាដកដង្ហើមកាន់តែពិបាកជាងមុន។

• ការក្អក និងការដកដង្ហើមមានសំឡេងរបស់អ្នកកាន់តែអាក្រក់ទៅៗ។

• អ្នកក្អកមកមានស្លេសពណ៌ត្នោតចាស់ ឬមានឈាម (កំហាក)។

• អ្នកទើបតែក្តៅខ្លួន ឬគ្រុនក្តៅខ្លាំងជាងមុន។

តាមដានឲ្យបានដិតដល់រាល់ការប្រែប្រួលសុខភាពរបស់អ្នក ហើយសូមប្រាកដថា ទាក់ទងទៅវេជ្ជបណ្ឌិតរបស់អ្នក ប្រសិនបើ៖

• អ្នកចាំបាច់ត្រូវប្រើថ្នាំបន្ធូរការឈឺចាប់ឆាប់រហ័សលើសពី 2 ថ្ងៃក្នុងមួយសប្តាហ៍ក្នុងរយៈពេលមួយខែ (លុះត្រាតែវាគ្រាន់តែសម្រាប់ការហាត់ប្រាណ)។

• អ្នកក្អកកាន់តែខ្លាំង ឬកាន់តែញឹកញាប់ ជាពិសេសប្រសិនបើអ្នកកត់សម្គាល់ឃើញមានទឹកសំបោរកាន់តែច្រើន ឬទឹកសំបោររបស់អ្នកមានការប្រែពណ៌។

• អ្នកមិនបានធូរស្បើយតាមការរំពឹងទុក។

បច្ចុប្បន្នជា: 7 តុលា 2023

កំណែមាតិកា: 14.0

ការណែនាំអំពីការថែទាំដែលត្រូវបានកែសម្រួលក្រោមអាជ្ញាប័ណ្ណដោយ អ្នកជំនាញថែទាំសុខភាពរបស់អ្នក។ ប្រសិនបើអ្នកមានសំណួរអំពីស្ថានភាពសុខភាព ឬការណែនាំនេះ សូមសួរអ្នកជំនាញថែទាំសុខភាពរបស់អ្នកជានិច្ច។ Healthwise, Incorporated បដិសេធការធានា ឬការទទួលខុសត្រូវណាមួយសម្រាប់ការប្រើប្រាស់ព័ត៌មាននេះរបស់អ្នក។