ជំងឺហឺតលើមនុស្សពេញវ័យ៖ការណែនាំអំពីការថែទាំ

Asthma in Adults: Care Instructions

ទិដ្ឋភាពទូទៅ​

ជំងឺហឺតធ្វើឱ្យអ្នកពិបាកដកដង្ហើម។ អំឡុងពេលការវាយលុកពីជំងឺហឺត បំពង់ខ្យល់ហើម និងរួមតូច។ ការវាយលុកដោយជំងឺហឺតធ្ងន់ធ្ងរ អាចមានគ្រោះថ្នាក់ ប៉ុន្តែជាធម្មតា​អ្នក​អាច​បង្ការ​ជំងឺនេះបាន។ ការគ្រប់គ្រងជំងឺហឺត និងការព្យាបាលរោគសញ្ញា មុនពេលដែល​ជំងឺនេះ​កាន់​តែ​យ៉ាប់​យឺន អាចជួយ​ឱ្យ​អ្នកជៀសវាងការវាយលុកដ៏ធ្ងន់ធ្ងរពីជំងឺបាន។ អ្នកក៏អាចជៀសវាងការទៅជួបវេជ្ជបណ្ឌិតបាននាពេលអនាគតផងដែរ។

ការ​ថែទាំតាមដាន​ គឺជា​ផ្នែកមួយដ៏សំខាន់ សម្រាប់ការព្យាបាល និង​សុវត្ថិភាព​របស់អ្នក។ សូមប្រាកដ​ថា អ្នកណាត់ជួប និងទៅជួបគ្រូពេទ​គ្រប់ពេល និង​ទូរស​ព្ទទៅ​វេជ្ជបណ្ឌិត​របស់អ្នក​​ប្រសិនបើអ្នក​មានបញ្ហា។ វាក៏ជាគំនិតមួយល្អដែរក្នុងការដឹងអំពីលទ្ធផលធ្វើតេស្តជំងឺ​របស់អ្នក និងរក្សាទុកបញ្ជីថ្នាំដែលអ្នកប្រើ។

តើអ្នកអាចថែទាំខ្លួនអ្នក​នៅផ្ទះបាន​តាម​របៀបណា?

• អនុវត្តតាមផែនការសកម្មភាពជំងឺហឺតរបស់អ្នក ដូច្នេះអ្នកអាចគ្រប់គ្រងរោគសញ្ញារបស់អ្នកនៅផ្ទះបាន។ ផែនការសកម្មភាពជំងឺហឺតនឹងជួយអ្នកក្នុងការបង្ការ និងគ្រប់គ្រង​ប្រតិកម្មផ្លូវដង្ហើម ហើយនឹងប្រាប់អ្នកអំពីអ្វីដែលត្រូវធ្វើក្នុងពេលការវាយប្រហារនៃជំងឺហឺត។ ប្រសិនបើអ្នកមិនមានផែនការសកម្មភាពជំងឺហឺតទេ សូមធ្វើការជាមួយវេជ្ជបណ្ឌិតដើម្បីបង្កើតវា។

• លេបថ្នាំហឺតរបស់អ្នកឱ្យបានត្រូវតាមវេជ្ជបញ្ជា។ ថ្នាំដើរតួនាទីយ៉ាងសំខាន់ក្នុងការគ្រប់គ្រងជំងឺហឺត។ ពិភាក្សាជាមួយវេជ្ជបណ្ឌិតភ្លាមៗ ប្រសិនបើអ្នកមានសំណួរអំពីអ្វីដែលត្រូវប្រើ និងវិធីប្រើវា។

  • ប្រើថ្នាំបន្ថយការឈឺចាប់ឆាប់រហ័ស នៅពេលអ្នកមានរោគសញ្ញានៃការវាយប្រហារនៃជំងឺហឺត។ មនុស្សមួយចំនួនចាំបាច់ត្រូវប្រើថ្នាំបន្ថយការឈឺចាប់ឆាប់រហ័សមុននឹងពួកធ្វើលំហាត់ប្រាណដើម្បីបង្ការរោគសញ្ញាជំងឺហឺត។ Albuterol គឺជាថ្នាំបន្ថយការឈឺចាប់ឆាប់រហ័សដែលប្រើប្រាស់ជារឿយៗ។ ចំពោះករណីខ្លះ ប្រភេទឧបករណ៍បាញ់ជំនួយសម្រាប់ជំងឺហឺតត្រូវបានប្រើប្រាស់ជាថ្នាំបន្ធូរការឈឺចាប់ឆាប់រហ័ស។​ សូមពិភាក្សាជាមួយវេជ្ជបណ្ឌិតរបស់អ្នកអំពីអ្វីដែលត្រូវប្រើសម្រាប់ការបន្ថយការឈឺចាប់រហ័ស។

  • ប្រើថ្នាំជួយគ្រប់គ្រងរបស់អ្នក។ ប្រសិនបើអ្នកមានរោគសញ្ញាញឹកញាប់ នោះអ្នកនឹងទំនងជាត្រូវការប្រើវារៀងរាល់ថ្ងៃ។ ថ្នាំជួយគ្រប់គ្រងជាធម្មតារួមមានអ័រម៉ូនកូទីកូស្តេរ៉ូអ៊ីតដែលស្រូបបញ្ចូល។ គោលបំណងគឺដើម្បីបង្ការបញ្ហា មុនពេលដែលវាកើតមាន។

  • ប្រសិនបើវេជ្ជបណ្ឌិតរបស់អ្នកបានចេញវេជ្ជបញ្ជាថ្នាំ corticosteroid ដើម្បីប្រើក្នុងអំឡុងពេលវាយប្រហារ សូមប្រើវាតាមការណែនាំ។ វាអាចចំណាយពេលច្រើនម៉ោងដើម្បីធ្វើការប៉ុន្តែពួកគេអាចកាត់បន្ថយការវាយប្រហារនិងជួយអ្នកឱ្យដកដង្ហើមបានប្រសើរជាងមុន។

  • សូមរក្សាថ្នាំកាត់បន្ថយការឈឺចាប់ឆាប់រហ័សរបស់អ្នកជាមួយអ្នកគ្រប់ពេល។

• ពិភាក្សាជាមួយវេជ្ជបណ្ឌិតរបស់អ្នកមុនប្រើប្រាស់ថ្នាំផ្សេងទៀត។ ថ្នាំខ្លះដូចជាអាស្ពីរីន អាចបណ្ដាលឲ្យមានការវាយប្រហារនៃជំងឺហឺតនៅលើមនុស្សខ្លះ។

• ពិនិត្យមើលខ្លួនឯងចំពោះរោគសញ្ញាជំងឺហឺត ដើម្បីដឹងថាតើជំហានមួយណាដែលត្រូវអនុវត្តតាមផែនការសកម្មភាពរបស់អ្នក។ ប្រុងប្រយ័ត្នចំពោះអ្វីៗដូចជាការមានដង្ហើមខ្លី តឹងទ្រូង ក្អក និងដកដង្ហើមងឺតង៉ត។ ក៏សូមកត់សម្គាល់ផងដែរ ប្រសិនបើរោគសញ្ញាធ្វើឱ្យអ្នកភ្ញាក់នៅពេលយប់ ឬប្រសិនបើអ្នកឆាប់អស់កម្លាំងនៅពេលដែលអ្នកហាត់​ប្រាណ។

• ប្រសិនបើអ្នកមានឧបករណ៍វាស់ខ្យល់ដង្ហើម សូមប្រើវាដើម្បីពិនិត្យមើលពីភាពប្រសើរនៃការដកដង្ហើមរបស់អ្នក។ ធ្វើបែបនេះអាចជួយអ្នកស្មានដឹងពីពេលវេលាដែលការវាយប្រហារនៃជំងឺហឺតនឹងកើតមាន។ បន្ទាប់មកអ្នកអាចប្រើថ្នាំដើម្បីបង្ការការវាយប្រហារនៃជំងឺហឹត ឬធ្វើឱ្យវាមិនសូវធ្ងន់ធ្ងរ។

• ទៅជួបវេជ្ជបណ្ឌិតរបស់អ្នកជាប្រចាំ។ ការជួបទាំងនេះនឹងជួយឲ្យអ្នកស្វែងយល់បន្ថែមអំពីជំងឺហឺត និងអ្វីដែលអ្នកអាចធ្វើបានដើម្បីគ្រប់គ្រងវា។ វេជ្ជបណ្ឌិតរបស់អ្នកនឹងតាមដានមើលការព្យាបាលរបស់អ្នក ដើម្បីប្រាកដថាថ្នាំកំពុងជួយអ្នក។

• តាមដានការវាយប្រហារនៃជំងឺហឺត និងការព្យាបាលរបស់អ្នក។ បន្ទាប់ពីអ្នកធ្លាប់បានមានការវាយប្រហារ សូមសរសេរនូវអ្វីដែលជាអង្គជំរុញវា អ្វីដែលជួយ​បញ្ចប់វា និងកង្វល់ណាមួយដែល​អ្នកមានអំពីផែនការសកម្មភាពជំងឺហឺតរបស់អ្នក។ យកកំណត់ហេតុប្រចាំថ្ងៃរបស់អ្នកទៅ នៅពេលដែលអ្នកទៅជួបជាមួយនឹងវេជ្ជបណ្ឌិតរបស់អ្នក។ បន្ទាប់មកអ្នកអាចពិនិត្យមើលផែនការសកម្មភាពជំងឺហឺតរបស់អ្នកឡើងវិញ និងសម្រេចចិត្តថាតើវាកំពុងដំណើរការដែរឬទេ។

• មិនត្រូវជក់បារី ឬឱ្យអ្នកណាម្នាក់មកជក់បារីនៅក្បែរអ្នកនោះទេ។ ចៀសវាងកន្លែងដែលមានផ្សែង។ ការជក់បារីធ្វើឱ្យជំងឺហឺតកាន់តែធ្ងន់ធ្ងរ។ ប្រសិនបើអ្នកចង់បានជំនួយផ្តាច់បារី សូមពិភាក្សាជាមួយវេជ្ជបណ្ឌិតរបស់អ្នកអំពីឱសថ និងកម្មវិធីផ្តាច់បារី។ ធ្វើបែបនេះអាចបង្កើនឱកាសរបស់អ្នកក្នុងការផ្តាច់បារីជារៀងរហូត។

• ស្វែងយល់អំពីអ្វីដែលជាអង្គជំរុញការវាយប្រហារនៃជំងឺហឺតសម្រាប់អ្នក ហើយចៀសវាង​អង្គជំរុញនេះប្រសិនបើអាចធ្វើបាន។ អង្គជំរុញទូទៅរួមមាន ជំងឺផ្តាសាយ ផ្សែង ខ្យល់ពុល ធូលីដី លម្អង ផ្សិត សត្វចិញ្ចឹម កន្លាត ភាពតប់ប្រមល់ និងខ្យល់ត្រជាក់។

• ចៀសវាងពីជំងឺផ្តាយសាយ និងគ្រុនផ្តាសាយធំ។ ពិភាក្សាជាមួយវេជ្ជបណ្ឌិតរបស់អ្នកអំពីការចាក់វ៉ាក់សាំងបង្ការជំងឺរលាកសួត។ ប្រសិនបើអ្នកធ្លាប់ចាក់ពីមុនរួច សូមសួរវេជ្ជបណ្ឌិតរបស់អ្នកថាតើអ្នកត្រូវការដូសទីពីរដែរឬទេ។ សូមចាក់វ៉ាក់សាំងបង្ការគ្រុនផ្តាសាយធំជារៀងរាល់រដូវស្លឹកឈើជ្រុះ។ ប្រសិនបើអ្នកត្រូវតែនៅក្បែរមនុស្សដែលមានជំងឺផ្តាសាយ ឬគ្រុនផ្តាសាយធំ សូមលាងដៃឱ្យបានញឹកញាប់។

តើពេលណាដែលអ្នកគួរហៅសុំជំនួយ?

ទូរសព្ទ 911 គ្រប់​ពេល​ដែល​អ្នក​គិត​ថា​អ្នកអាចត្រូវការ​ការថែ​ទាំ​បន្ទាន់។ ឧទាហរណ៍ សូមទូរសព្ទ ប្រសិនបើ៖

• អ្នកបញ្ហាក្នុងការពិបាកដកដង្ហើមខ្លាំង។

សូមហៅទូរសព្ទទៅវេជ្ជបណ្ឌិតរបស់អ្នកភ្លាម ឬស្វែង​រក​ការ​ថែទាំផ្នែក​វេជ្ជសាស្ត្រជាបន្ទាន់ ប្រសិនបើ៖

• រោគសញ្ញារបស់អ្នកមិនបានធូរស្បើយបន្ទាប់ពីអ្នកបានអនុវត្តតាមផែនការសកម្មភាពនៃជំងឺហឺត។

• អ្នកក្អកស្លេសលឿងពណ៌ត្នោតខ្មៅ ឬ ឈាម (កំហាក) ។

តាមដានឲ្យបានដិតដល់រាល់ការប្រែប្រួលសុខភាពរបស់អ្នក ហើយ​សូម​ប្រាក​ដថា អ្នកទាក់ទងទៅវេជ្ជបណ្ឌិតរបស់អ្នក ប្រសិនបើ៖

• ការក្អក និងការដកដង្ហើមរបស់កូនអ្នកកាន់តែអាក្រក់ទៅៗ ។

• អ្នកចាំបាច់ត្រូវប្រើថ្នាំបន្ធូរការឈឺចាប់ឆាប់រហ័សលើសពី 2 ថ្ងៃក្នុងមួយសប្តាហ៍​ក្នុងរយៈពេល​មួយខែ (លុះត្រាតែវាគ្រាន់តែសម្រាប់ការហាត់ប្រាណ)។

• អ្នកត្រូវការជំនួយរកមើលអ្វីដែលកំពុងបង្កឱ្យមានការវាយប្រហារ​ដោយសារ​ជំងឺហឺតរបស់អ្នក។

បច្ចុប្បន្នជា: 7 តុលា 2023

កំណែមាតិកា: 14.0

ការណែនាំអំពីការថែទាំដែលត្រូវបានកែសម្រួលក្រោមអាជ្ញាប័ណ្ណដោយ អ្នកជំនាញថែទាំសុខភាពរបស់អ្នក។ ប្រសិនបើអ្នកមានសំណួរអំពីស្ថានភាពសុខភាព ឬការណែនាំនេះ សូមសួរអ្នកជំនាញថែទាំសុខភាពរបស់អ្នកជានិច្ច។ Healthwise, Incorporated បដិសេធការធានា ឬការទទួលខុសត្រូវណាមួយសម្រាប់ការប្រើប្រាស់ព័ត៌មាននេះរបស់អ្នក។