របបអាហារដែលធ្វើឲ្យបេះដូងមានសុខភាពល្អ៖ការណែនាំអំពីការថែទាំ

Heart-Healthy Diet: Care Instructions

ការណែនាំអំពីការថែទាំរបស់អ្នក

../images/1635d4d444516e686346a6b5e735f4b4.jpg

របបអាហារដែលធ្វើឱ្យបេះដូងមានសុខភាពល្អមាន បន្លែ ផ្លែឈើ គ្រាប់ផ្លែឈើ និងគ្រាប់ធញ្ញជាតិទាំងមូល ព្រមទាំងមានជាតិអំបិលតិច។ វាកំណត់អាហារដែលមានជាតិខ្លាញ់ឆ្អែតខ្ពស់ដូចជា សាច់ ឈីស និងអាហារចៀន។ វាប្រហែលជាពិបាកក្នុងការផ្លាស់ប្តូររបបអាហាររបស់អ្នក ប៉ុន្តែទោះបីយ៉ាងណាការផ្លាស់ប្តូរតិចតួចក៏អាចកាត់បន្ថយហានិភ័យនៃជំងឺគាំងបេះដូង និងជំងឺបេះដូងរបស់អ្នកបានផងដែរ។

ការថែទាំតាមដាន គឺជាផ្នែកមួយដ៏សំខាន់ សម្រាប់ការព្យាបាល និងសុវត្ថិភាពរបស់អ្នក។ សូមប្រាកដថា អ្នកណាត់ជួប និងទៅជួបគ្រូពេទគ្រប់ពេល និងទូរសព្ទទៅវេជ្ជបណ្ឌិតរបស់អ្នកប្រសិនបើអ្នកមានបញ្ហា។ វាក៏ជាគំនិតមួយល្អដែរក្នុងការដឹងអំពីលទ្ធផលធ្វើតេស្តជំងឺរបស់អ្នក និងរក្សាទុកបញ្ជីថ្នាំដែលអ្នកប្រើ។

តើអ្នកអាចថែទាំខ្លួនអ្នកនៅផ្ទះបានតាមរបៀបណា?

តាមដានបរិមាណរបស់អ្នក។

ប្រើស្លាកអាហារដើម្បីដឹងអំពីបរិមាណអាហារដែលបានណែនាំសម្រាប់អ្នក ញ៉ាំ។
ញ៉ាំតាមកម្រិតកាឡូរីដែលអ្នកត្រូវការដើម្បីរក្សាទម្ងន់ដែលមានសុខភាពល្អប៉ុណ្ណោះ។ ប្រសិនបើអ្នកត្រូវការបញ្ចុះទម្ងន់ ញុំាំតិចជាងកាឡូរីដែលរាងកាយរបស់អ្នកដុតបំផ្លាញ (តាមរយៈការធ្វើលំហាត់ប្រាណ និងសកម្មភាពរាងកាយផ្សេងទៀត)។

ញុំាផ្លែឈើ និងបន្លែឱ្យបានច្រើន។

ញ៉ាំផ្លែឈើ និងបន្លែប្រភេទផ្សេងៗគ្នាជារៀងរាល់ថ្ងៃ។ ផ្លែឈើ និងបន្លែពណ៌បៃតងចាស់ ពណ៌ទឹកក្រូច ពណ៌ក្រហម ឬពណ៌លឿងគឺ ល្អជាពិសេសសម្រាប់អ្នក។ ឧទាហរណ៍រួមមានស្ពៃ ការ៉ុត ផ្លែប៉េស និងផ្លែបឺរី។
ទុកការ៉ុត ស្ពៃ ជីវ៉ាន់ស៊ុយ និងបន្លែផ្សេងទៀតឲ្យជិតដៃសម្រាប់អាហារសម្រន់។ ទិញផ្លែឈើដែលមានតាមរដូវ ហើយរក្សារទុកវានៅកន្លែងដែលអ្នកអាចមើលឃើញ ដូច្នេះអ្នកនឹងព្យាយាមញ៉ាំវា។
ចម្អិនម្ហូបដែលមានដាក់បន្លែច្រើន ដូចជាឆា បំពង និងស៊ុប។

កំណត់ខ្លាញ់ឆ្អែត

អានស្លាកអាហារ ហើយព្យាយាមជៀសវាងខ្លាញ់ឆ្អែត។ ពួកវាបង្កើនហានិភ័យជំងឺបេះដូងរបស់អ្នក។
ប្រើប្រេងអូលីវ ឬកាណូឡានៅពេលអ្នកចម្អិន។
ដុត អាំងដោយចង្រ្គាន អាំងដោយម៉ាស៊ីន ឬចំហុយអាហារជំនួសឲ្យការបំពង។
ជ្រើសរើសសាច់គ្មានខ្លាញ់ជំនួសឱ្យសាច់ដែលមានជាតិខ្លាញ់ខ្ពស់ដូចជា ហ៊តដក និងសាច់ក្រក។ ជៀរខ្លាញ់ដែលអាចមើលឃើញទាំងអស់ នៅពេលអ្នករៀបចំសាច់។
ញុំាត្រី បសុបក្សីគ្មានស្បែក និងជម្រើសសាច់ដូចជា ផលិតផលសណ្តែកជំនួស ឱ្យសាច់ដែលមានជាតិខ្លាញ់ខ្ពស់។ ផលិតផលសណ្តែកដូចជាតៅហ៊ូអាចល្អជាពិសេសសម្រាប់បេះដូងរបស់អ្នក។
ជ្រើសរើសទឹកដោះគោ និងផលិតផលធ្វើពីដោះគោដែលមានជាតិខ្លាញ់ទាប ឬគ្មានជាតិខ្លាញ់។

ញ៉ាំអាហារដែលមានជាតិសរសៃខ្ពស់។

ញ៉ាំផលិតផលគ្រាប់ធញ្ញជាតិជាច្រើនប្រភេទជារៀងរាល់ថ្ងៃ។ រួមទាំងអាហារគ្រាប់ធញ្ញជាតិទាំងមូលដែលមានជាតិសរសៃ និងសារធាតុចិញ្ចឹមច្រើន។ ឧទាហរណ៍នៃអាហារគ្រាប់ធញ្ញជាតិទាំងមូលរួមមានអូត នំប៉័ងស្រូវសាលីទាំងមូល និងអង្ករសម្រូប។
ទិញនំប៉័ងគ្រាប់ធញ្ញជាតិទាំងមូល និងគ្រាប់ធញ្ញជាតិជំនួសឱ្យនំប៉័ងពណ៌ស ឬ នំផាស្រ្ដី។

កំណត់បរិមាណអំបិល និងសូដ្យូម។

កំណត់បរិមាណអំបិល និងសូដ្យូមដែលអ្នកញ៉ាំដើម្បីជួយបញ្ចុះសម្ពាធឈាម។
ភ្លក់អាហារមុនពេលអ្នកដាក់អំបិលចូល។ បន្ថែមតែអំបិលបន្តិច នៅពេលអ្នកគិតថាអ្នកត្រូវការវា។ ទៅតាមពេលវេលា អញ្ច្រាញអណ្ដាតរបស់អ្នកនឹងសម្របទៅនឹងអំបិលតិច។
ញុំាអាហារសម្រន់តិចជាងមុន អាហាររហ័ស និងអាហារកែច្នៃ ដែលមានជាតិអំបិលខ្ពស់។ ពិនិត្យស្លាកអាហារសម្រាប់បរិមាណសូដ្យូមនៅក្នុងអាហារកញ្ចប់។
ជ្រើសរើសទំនិញកំប៉ុងដែលមានសូដ្យូមទាប (ដូចជាស៊ុប បន្លែ និងសណ្តែក) ។

កំណត់ជាតិស្ករ

កំណត់ភេសជ្ជៈ និងអាហារដែលមានជាតិស្ករបន្ថែម។ ទាំងនេះរួមមានស្ករគ្រាប់ បង្អែម និងទឹកក្រូចសូដា។

កំណត់ជាតិអាល់កុល។

កំណត់បរិមាណគ្រឿងស្រវឹងមិនឲ្យលើសពី 2 ដងក្នុងមួយថ្ងៃសម្រាប់បុរស និង 1 ដងសម្រាប់ស្រ្ដី។ ផឹកគ្រឿងស្រវឹងច្រើនពេកអាចបណ្តាលឱ្យមានបញ្ហាសុខភាព។

តើពេលណាដែលអ្នកគួរហៅសុំជំនួយ?

តាមដានឲ្យបានដិតដល់រាល់ការប្រែប្រួលសុខភាពរបស់អ្នក ហើយសូមប្រាកដថា ទាក់ទងទៅវេជ្ជបណ្ឌិតរបស់អ្នក ប្រសិនបើ៖

អ្នកចង់ជួយរៀបចំផែនការអាហារដែលធ្វើឲ្យបេះដូងមានសុខភាពល្អ។

បច្ចុប្បន្នជា: 5 តុលា 2023

កំណែមាតិកា: 14.0

ការណែនាំអំពីការថែទាំដែលត្រូវបានកែសម្រួលក្រោមអាជ្ញាប័ណ្ណដោយ អ្នកជំនាញថែទាំសុខភាពរបស់អ្នក។ ប្រសិនបើអ្នកមានសំណួរអំពីស្ថានភាពសុខភាព ឬការណែនាំនេះ សូមសួរអ្នកជំនាញថែទាំសុខភាពរបស់អ្នកជានិច្ច។ Healthwise, Incorporated បដិសេធការធានា ឬការទទួលខុសត្រូវណាមួយសម្រាប់ការប្រើប្រាស់ព័ត៌មាននេះរបស់អ្នក។