កន្ទាលត្រអាក៖ការណែនាំអំពីការថែទាំ

Hives: Care Instructions

ទិដ្ឋភាពទូទៅ​

កន្ទួលត្រអាកឡើងប៉ោង ក្រហម រមាស់លើស្បែក។ ជាធម្មតាពួកគេមានស្នាមនៅគែមក្រហម និងកណ្តាលស្លេក។ កន្ទាលត្រអាកមានទំហំពី ¼ អ៊ីញ ទៅ 3 អ៊ីញ ឬច្រើនជាងនេះ។ ពួកគេហាក់ដូចជាផ្លាស់ទីពីកន្លែងមួយទៅកន្លែងមួយនៅលើស្បែក។ កន្ទាលត្រអាកជាច្រើន​អាច​បង្កើត​ជាតំប​ន់​ដែលមានស្បែកប៉ោងធំៗ​ក្រហម។

កន្ទាលត្រអាកគឺជាប្រតិកម្មអាលែកហ្ស៊ីស្បែក។ ពួកគេអាចកើតឡើងដោយសារតែប្រតិកម្មទៅនឹងថ្នាំអាហារ ឬការឆ្លងមេរោគ។ រឿងផ្សេងទៀតក៏អាចបណ្តាលឱ្យមានកន្ទាលត្រអាកបានផងដែរ។ ប៉ុន្តែពេលខ្លះ មូលហេតុមិនទាន់ត្រូវបានគេដឹងនៅឡើយទេ។

អ្នកមិនអាចចម្លងកន្ទួលដល់អ្នកដទៃបានទេ។

ការ​ថែទាំតាមដាន​ គឺជា​ផ្នែកមួយដ៏សំខាន់ សម្រាប់ការព្យាបាល និង​សុវត្ថិភាព​របស់អ្នក។ សូមប្រាកដ​ថា អ្នកណាត់ជួប និងទៅជួបគ្រូពេទ​គ្រប់ពេល និង​ទូរស​ព្ទទៅ​វេជ្ជបណ្ឌិត​របស់អ្នក​​ប្រសិនបើអ្នក​មានបញ្ហា។ វាក៏ជាគំនិតមួយល្អដែរក្នុងការដឹងអំពីលទ្ធផលធ្វើតេស្តជំងឺ​របស់អ្នក និងរក្សាទុកបញ្ជីថ្នាំដែលអ្នកប្រើ។

តើអ្នកអាចថែទាំខ្លួនឯង​នៅផ្ទះបាន​ដោយ​របៀបណា?

• ជំងឺកន្ទាលត្រអាកជាច្រើន គឺបណ្តាលមកពីអ្វីមួយដែលអ្នកមិនអាចជៀសវាងបាន ដូចជាវីរុស ឬបាក់តេរី ឬអ្នកប្រហែលជាមិនដឹងពីមូលហេតុ។ ប៉ុន្តែប្រសិនបើអ្នកគិតថាជំងឺទាំងនោះបណ្តាលមកពីអាហារ ឬថ្នាំជាក់លាក់ សូមជៀសវាងពីវា។

• សូមនៅឱ្យឆ្ងាយពីសាប៊ូដុំ សាប៊ូបោកខោអាវ និងសារធាតុគីមី។ វត្ថុទាំងនេះអាចធ្វើឱ្យរមាស់កាន់តែអាក្រក់។

• ដាក់កន្សែងសើម ត្រជាក់នៅលើតំបន់ដើម្បីបំបាត់រមាស់។

• យកថ្នាំអង់ទីអ៊ីស្ដាមីន បែបនេះដូចជាថ្នាំ loratadine (Claritin) ដើម្បីជួយបញ្ឈប់កន្ទាលត្រអាក និងកាត់បន្ថយរមាស់ ។ ត្រូវប្រើប្រាស់ថ្នាំឲ្យមានសុវត្ថិភាព។ អាន និងអនុវត្តតាមការណែនាំទាំងអស់នៅលើស្លាក។

តើពេលណាដែលអ្នកគួរហៅសុំជំនួយ?

ទូរសព្ទ 911 គ្រប់​ពេល​ដែល​អ្នក​គិត​ថា​អ្នកអាចត្រូវការ​ការថែ​ទាំ​បន្ទាន់។ ឧទាហរណ៍ សូមទូរសព្ទប្រសិនបើ៖

• អ្នកមានរោគសញ្ញានៃប្រតិកម្មអាឡែកហ្ស៊ីធ្ងន់ធ្ងរ។ ទាំងនេះអាចរួមមាន៖

  • កើតមានភ្លាមៗនូវស្នាមកន្ទួលក្រហម (កន្ទាលត្រអាក) នៅពាសពេញរាងកាយអ្នក។

  • ហើមបំពង់ក មាត់ បបូរមាត់ ឬអណ្តាត។

  • ពិបាកដកដង្ហើម។

  • សន្លប់ (បាត់បង់ស្មារតី) ។ ឬអ្នកអាចនឹងមមើមមាយ ឬមានអារម្មណ៍អស់កម្លាំង វង្វេង​វង្វាន់ ឬអន្ទះអន្ទែងភ្លាមៗ។

សូមហៅទៅកាន់​វេជ្ជបណ្ឌិតរបស់អ្នកឥឡូវនេះ ឬស្វែងរកការថែទាំវេជ្ជសាស្ត្រជាបន្ទាន់ ប្រសិនបើ៖

• អ្នកមានរោគសញ្ញានៃប្រតិកម្មអាលែកហ្ស៊ីដូចជា៖

  • កន្ទួល ឬកន្ទាលត្រអាក (ក្រហមលើស្បែក) ។

  • រមាស់។

  • ហើម។

  • ឈឺពោះ ចង្អោរ ឬក្អួត។

• អ្នកមាន​កន្ទាល​ត្រអាក​ក្រោយពេលអ្នកចាប់ផ្តើមថ្នាំថ្មី។

• កន្ទាលត្រអាកមិនបានបាត់ទៅវិញ​ក្រោយ​រយៈពេល 24 ម៉ោង។

តាមដានឲ្យបានដិតដល់រាល់ការប្រែប្រួលសុខភាពរបស់អ្នក ហើយសូមប្រាកដថា​បាន​ ទាក់ទងទៅវេជ្ជបណ្ឌិតរបស់អ្នក ប្រសិនបើ៖

• អ្នកមិនបានធូរស្បើយដូចការរំពឹងទុក។

បច្ចុប្បន្នជា: 16 វិច្ឆិកា 2023

កំណែមាតិកា: 14.0

ការណែនាំអំពីការថែទាំដែលត្រូវបានកែសម្រួលក្រោមអាជ្ញាប័ណ្ណដោយ អ្នកជំនាញថែទាំសុខភាពរបស់អ្នក។ ប្រសិនបើអ្នកមានសំណួរអំពីស្ថានភាពសុខភាព ឬការណែនាំនេះ សូមសួរអ្នកជំនាញថែទាំសុខភាពរបស់អ្នកជានិច្ច។ Healthwise, Incorporated បដិសេធការធានា ឬការទទួលខុសត្រូវណាមួយសម្រាប់ការប្រើប្រាស់ព័ត៌មាននេះរបស់អ្នក។