Akouchman nan Vajen (paba) Enstwiksyon Swen Sante

Vaginal Childbirth: Care Instructions

Enstriksyon pou Swen Ou

Kò w pral geri dousman nan semenn k ap vini yo. Li fasil pou w fatige twòp epi pou kò w kraze pandan premye semenn apre tibebe w la fin fèt. Chanjman nan òmòn ou yo kapab chanje imè w sanzatann. Ou ka twouve li difisil pou w satisfè demann anplis pou enèji ou ak tan w. Ale dousman.

Swen siplemantè se yon pati enpòtan nan tretman ak sekirite ou. Sonje pou pran tout randevou yo epi pou ale ladan yo, epitou rele doktè ou si ou gen pwoblèm. Se yon bon lide tou pou konnen rezilta tès ou yo, epitou pou konsève yon lis medikaman w ap pran yo.

Ki jan w kapab pran swen tèt ou lakay ou?

• Senyman ak lakranp nan vajen

  • Apre akouchman, ou pral genyen san k ap soti nan vajen an. Li pral vin wòz nan yon semenn epi blanch oswa jòn apre anviwon 10 jou. Li ka dire 2 a 4 semenn oswa pi lontan jiskaske matris la geri. Itilize kotèks angiz tanpon jiskaske w sispann senyen.

  • Pa enkyete w si bay kèk boul san, depi yo pi piti pase yon boul gòf. Si w gen kote ki chire oswa plizyè pwen zegui nan vajen w, chanje kotèks la omwen chak 4 èdtan pou w anpeche w gen doulè ak enfeksyon.

  • Ou ka gen lakranp pandan premye jou yo apre akouchman an. Sa yo nòmal epi yo rive ofiyamezi matris la ap retresi nan gwosè nòmal li. Pran yon medikaman san preskripsyon pou doulè tankou acetaminophen (Tylenol), ibuprofen (Advil, Motrin), oswa naproxen (Aleve), pou lakranp. Li epi swiv tout enstriksyon ki sou etikèt la. Pa pran aspirin paske li kapab lakoz plis senyman.

  • Pa pran de (2) oswa plizyè medikaman doulè anmenmtan, sof si doktè w la te di w pou fè sa. Anpil medikaman pou doulè gen acetaminophen, ki se Tylenol. Twòp acetaminophen (Tylenol) kapab nuizib pou timoun lan.

• Pwen zegui yo

  • Si w gen pwen zegui, yo pral disparèt poukont yo epi yo pa bezwen retire yo. Suiv enstriksyon doktè w la ba w yo pou netwaye kote ki koud la.

  • Mete glas oswa yon konprès glas sou kote k ap fè w mal la pandan 10 a 20 minit, plizyè fwa pa jou pandan premye jou yo. Mete yon moso twal koton fen ant glas la ak po kò w.

  • Chita nan yon distans kèk pous avèk dlo tyèd la (beny syèj) 3 fwa pa jou ak apre w fin poupou. Dlo tyèd la ap ede w soulaje doulè a ak demanjezon an. Si w pa gen yon benwa, yon douch tyèd ka ede w.

• Tete ranpli

  • Tete w yo ka ranpli twòp (angòje) nan premye jou yo apre akouchman an. Pou fasilite lèt la koule ak pou soulaje doulè, chofe tete w yo nan douch la oswa itilize sèvyèt tyèd, imid anvan w fè alètman.

  • Si w p ap fè alètman, pa mete bagay cho sou tete w yo ni manyen yo. Mete yon soutyen sere oswa yon soutyen espò epi itilize glas jiskaske sansasyon ranpli a disparèt. Sa pran nòmalman 2 a 3 jou.

  • Mete glas oswa yon konprès glas sou tete w apre w fin fè alètman an pou w redui anflamasyon an ak doulè a. Mete yon moso twal koton fen ant glas la ak po kò w.

• Aktivite

  • Adopte yon rejim ki ekilibre. Pa eseye pèdi pwa nan diminye kalori. Kontinye pran vitamin prenatal ou yo oswa pran yon miltivitamin.

  • Pran kantite repo w kapab. Eseye fè plizyè ti kabicha lè tibebe w la ap dòmi pandan lajounen an.

  • Fè egzèsis fizik chak jou. Men, pa fè okenn gwo egzèsis fizik jiskaske doktè w la di pa gen pwoblèm.

  • Tann jiskaske w geri (anviwon 4 a 6 semenn) anvan w fè bagay. Doktè w la pral di ki lè pa gen pwoblèm pou w fè bagay.

  • Pale ak doktè w sou metòd planin. Ou kapab ansent menm anvan règ ou retounen. Epitou, ou kapab ansent pandan w ap bay tibebe a tete.

• Sante mantal

  • Li nòmal pou gen tristès, enkyetid, dòmi nan je ak chanjman imè apre w fin ale lakay ou. Si w santi w toumante oswa sanzespwa pandan plis pase kèk jou oswa ou gen pwoblèm pou w fè bagay ou bezwen fè yo, pale ak doktè w.

• Konstipasyon ak emowoyid

  • Bwè anpil likid, ki ase pou pipi w ka gen koulè jòn pal, oswa pou li kapab klè tankou dlo. Si w gen maladi ren, maladi kè oswa maladi fwa, epi si w dwe limite kantite likid w ap pran, pale avèk doktè w anvan w ogmante kantite likid w ap bwè.

  • Manje anpil fib chak jou. Pran yo ponmkèt sondeble oswa sereyal sondeble pou manje maten epi eseye manje yon moso fwi pou tigoute nan mitan apremidi.

  • Pou emowoyid ki bay doulè epi ki krate yo, mete glas oswa yon konprès glas sou kote a plizyè fwa pa jou pandan 10 minit alafwa. Suiv demach sa a lè w mete yon konprès tyèd sou kote a pandan yon lòt 10 a 20 minit oswa lè w chita nan yon beny plat ki tyèd.

Ki lè w ta dwe rele pou w mande èd?

Rele 911 nenpòt lè w panse w ka bezwen swen sante annijans. Pa egzanp, rele si :

• Ou gen lide fè tèt ou mal, fè tibebe w la mal oswa fè yon lòt moun mal.

• Ou endispoze (pèdi konesans).

• Ou gen doulè nan pwatrin, ou gen souf kout oswa w touse san.

• Ou fè yon kriz.

Rele doktè w kounye a oswa chèche swen medikal touswit si :

• Ou gen senyman nan vajen ki grav.

• Ou gen tèt vire oswa toudisman, oswa ou santi w ka endispoze.

• Ou genyen yon lafyèv.

• Ou gen nouvo doulè oswa doulè ki pi grav nan vant ou oswa nan rejyon pelvyèn ou.

• Ou gen sentòm yon boul san nan janm ou (ki rele twonbòz pwofon nan venn), tankou :

  • Doulè nan jarèt, dèyè jenou, kwis, oswa nan fouk ou.

  • Woujè ak anflamasyon nan janm oswa nan fouk ou.

• Ou gen siy pre-eklanpsi, tankou :

  • Figi w, men w oswa pye w anfle bridsoukou.

  • Nouvo pwoblèm vizyon (tankou vizyon w fèb oswa twouble oubyen w wè tach).

  • Yon gwo tèt fè mal.

Byen siveye chanjman ki fèt nan sante w, epitou asire w kontakte doktè w la si :

• Senyman nan vajen w lan sanble vin pi plis.

• Ou gen nouvo dlo blanch nan vajen an oswa dlo blanch nan vajen an vin pi grav.

• Ou santi w tris, ou gen enkyetid oswa ou sanzespwa pandan plis pase kèk jou.

• Ou pa refè jan w te espere a.

Ajou nan dat: 10 July 2023

Vèsyon kontni: 14.0

Adapte anba yon lisans Enstriksyon pou swen pwofesyonèl swen sante w la Si w gen kesyon sou yon maladi oswa enstriksyon sa a, toujou mande pwofesyonèl swen sante w la. Healthwise, Incorporated voye jete tout garanti oswa responsablite pou itilize ou itilize enfòmasyon sa yo.