វីរុសកូរ៉ូណា (COVID-19) ចំពោះកុមារ៖ការណែនាំអំពីការថែទាំ
Coronavirus (COVID-19) in Children: Care Instructions
ទិដ្ឋភាពទូទៅ
ជំងឺវីរុសកូរ៉ូណា (COVID-19) បង្កដោយវីរុស។ រោគសញ្ញាអាចរួមមាន ក្ដៅខ្លួន ក្អក និងដង្ហើមខ្លី។
កូនរបស់អ្នកក៏អាចចុកពោះ ឬឈឺពោះ ហើយប្រហែលជាមិនមានអារម្មណ៍ចង់ញ៉ាំអាហារផងដែរ។
ជំងឺ COVID-19 អាចរាលដាលតាមរយៈដំណក់តូចៗ ពីការក្អក កណ្តាស់ ដកដង្ហើម និងការច្រៀង។
វាក៏អាចរាលដាលនៅពេលដែលមនុស្សពាក់ព័ន្ធណាម្នាក់ដែលបានឆ្លង។
កុមារខ្លះមិនមានរោគសញ្ញាទេ។ ប៉ុន្តែកុមារភាគច្រើនមានរោគសញ្ញាស្រាល ហើយអាចមើលថែនៅផ្ទះបាន។
ប្រសិនបើរោគសញ្ញាកាន់តែអាក្រក់ទៅៗ ពួកគេប្រហែលជាត្រូវការការថែទាំនៅក្នុងមន្ទីរពេទ្យ។
ការព្យាបាលអាចរួមមាន ការប្រើថ្នាំដើម្បីកាត់បន្ថយរោគសញ្ញា
និងជំនួយដល់ការដកដង្ហើមដូចជាការដាក់អុកស៊ីសែន ឬឧបករណ៍ជំនួយការដកដង្ហើម។
វាមានសារៈសំខាន់ណាស់ក្នុងការមិនចម្លងវីរុសទៅអ្នកដទៃ។ ប្រសិនបើកូនរបស់អ្នកមានជំងឺ COVID-19 ពួកគេគួរតែ៖
-
ពាក់ម៉ាសគ្រប់ពេលវេលាដែលពួកគេនៅជុំវិញអ្នកផ្សេងទៀត។ ម៉ាសអាចជួយបញ្ឈប់ការរីករាលដាលនៃវីរុស។
-
នៅឆ្ងាយពីអ្នកដទៃនៅក្នុងផ្ទះ។ នៅពេលដែលអាចធ្វើទៅបាន ពួកគេគួរតែស្នាក់នៅក្នុងបន្ទប់គេងដាច់ដោយឡែក
ហើយ ប្រើបន្ទប់ទឹកដាច់ដោយឡែក។
-
នៅផ្ទះ។ កូនរបស់អ្នកគួរតែចាកចេញពីផ្ទះ ដើម្បីទទួលការព្យាបាលតែប៉ុណ្ណោះ។
ការថែទាំតាមដាន គឺជាផ្នែកមួយដ៏សំខាន់សម្រាប់ការព្យាបាល និងសុវត្ថិភាពកូនរបស់អ្នក។
សូមប្រាកដថា អ្នកណាត់ជួប និងទៅជួបគ្រូពេទគ្រប់ពេល និងទូរសព្ទទៅវេជ្ជបណ្ឌិតរបស់អ្នក
ប្រសិនបើអ្នកមានបញ្ហា។ វាក៏ជាគំនិតល្អមួយផងដែរ ដើម្បីដឹងអំពីលទ្ធផលតេស្តរបស់កូនរបស់អ្នក
និងរក្សាទុកបញ្ជីថ្នាំដែលកូនរបស់អ្នកប្រើ។
តើអ្នកអាចថែទាំកូនរបស់អ្នកនៅផ្ទះបានតាមរបៀបណា?
-
ត្រូវប្រាកដថាកូនរបស់អ្នកទទួលបានការសម្រាកបន្ថែម។ វាអាចជួយឱ្យពួកគេមានអារម្មណ៍ធូរស្បើយ។
-
ឱ្យកូនរបស់អ្នកផឹកទឹកឱ្យបានច្រើន។ នេះជួយជំនួសជាតិទឹកដែលបាត់បង់ដោយសារគ្រុនក្តៅ ក្អួត ឬរាគ។
ជាតិទឹកក៏អាចជួយកាត់បន្ថយការមាស់បំពង់កផងដែរ។
-
សួរវេជ្ជបណ្ឌិតថាតើកូនរបស់អ្នកអាចលេបថ្នាំអាសេតាមីណូហ្វេន (Tylenol) ឬ Ibuprofen (Advil, Motrin)
ដើម្បីកាត់បន្ថយគ្រុនក្តៅដែរឬទេ។ វាក៏អាចនឹងជួយសម្រួលដល់ការឈឺសាច់ដុំ និងរាងកាយផងដែរ។ អាន
និងអនុវត្តតាមការណែនាំទាំងអស់នៅលើស្លាក។
-
ប្រើចាហួយប្រេងនៅលើស្បែកដែលឈឺរបស់កូនអ្នក។ នេះអាចជួយបាន ប្រសិនបើស្បែកនៅជុំវិញច្រមុះ
និងបបូរមាត់របស់ពួកគេឈឺដោយសារការញីខ្លាំងជាមួយក្រដាសជូតមាត់។ ប្រសិនបើកូនរបស់អ្នកកំពុងប្រើអុកស៊ីសែន
សូមប្រើផលិតផលដែលធ្វើពីទឹកជំនួសឱ្យចាហួយប្រេង។
-
សូមតាមដានរោគសញ្ញាដូចជា ក្តៅខ្លួន និងដង្ហើមខ្លី។
ធ្វើបែបនេះអាចជួយអ្នកដឹងថាតើអ្នកចាំបាច់ទូរសព្ទទៅវេជ្ជបណ្ឌិតរបស់អ្នកឬអត់។ សួរវេជ្ជបណ្ឌិត
នៅពេលណាវាមានសុវត្ថិភាពសម្រាប់កូនអ្នកនៅក្បែរអ្នកផ្សេងទៀត។
តើអ្នកអាចការពារខ្លួនឯងបានយ៉ាងដូចម្តេច?
ពាក់ម៉ាស់នៅពេលអ្នកនៅជិតមនុស្សផ្សេងទៀត និងនៅក្បែរក្មេងដែលឈឺ។ លាងដៃរបស់អ្នកឱ្យបានញឹកញាប់
និងស្អាតល្អ។ ប្រើសាប៊ូដុំ និងទឹក ហើយត្រដុសដៃយ៉ាងហោចណាស់ 20 វិនាទី។
ប្រសិនបើអ្នកមិនបានធ្វើតេស្តវិជ្ជមានសម្រាប់ជំងឺ COVID-19 នៅក្នុងរយៈពេល 3 ខែចុងក្រោយ
ឬមិនបានចាក់វ៉ាក់សាំងបង្ការជំងឺ COVID-19 នាពេលថ្មីៗនេះទេ អ្នកត្រូវធ្វើចត្តាឡីស័ក្ដិ ។
តើពេលណាដែលអ្នកគួរហៅសុំជំនួយ?
ហៅទូរសព្ទ 911 គ្រប់ពេលដែលអ្នកគិតថាកូនរបស់អ្នកប្រហែលជាត្រូវការការថែ ទាំបន្ទាន់។
ឧទាហរណ៍ហៅទូរសព្ទ ប្រសិនបើកូនរបស់អ្នកមានរោគសញ្ញាគំរាមកំហែងដល់អាយុជីវិតដូចជា៖
-
បញ្ហាដកដង្ហើមធ្ងន់ធ្ងរ។ (កូនរបស់អ្នកមិនអាចនិយាយបាន។) កុមារតូចៗប្រហែលជាមានរន្ធច្រមុះរីកធំ
ហើយពោះរបស់ពួកគេផតឡើងចុះរាល់ពេលដកដង្ហើម។
-
ភ្នែករូង ការមិនទទួលយកសារធាតុរាវ ឬមិនបត់ជើងតូចច្រើន។ (ទាំងនេះគឺជាសញ្ញានៃការខ្វះជាតិទឹក។ )
-
ការចុកទ្រូង ឬសម្ពាធលើទ្រូងញឹកញាប់។
-
វិលមុខ ឬធីងធោងខ្លាំង ។
-
ច្របូកច្របល់ ឬមានបញ្ហាការគិត។
-
ស្បែក ឬបបូរមាត់ ស្លេក ប្រផេះ ឬពណ៌ខៀវ។
-
ការបាត់បង់ស្មារតី (កូនរបស់អ្នកសន្លប់) ឬពិបាកភ្ញាក់។
ហៅទូរសព្ទទៅវេជ្ជបណ្ឌិតកូនរបស់អ្នកឥឡូវនេះ ឬស្វែងរកការព្យាបាលជាបន្ទាន់ប្រសិនបើ ៖
-
កូនរបស់អ្នកមានបញ្ហាដកដង្ហើមមធ្យម។ (ពួកគេមិនអាចនិយាយប្រយោគពេញលេញបានទេ។ )
-
កូនរបស់អ្នកកំពុងក្អកចេញឈាម។
-
កូនរបស់អ្នកមានសញ្ញានៃសម្ពាធឈាមទាប។ សញ្ញាទាំងនេះរួមមាន ការមានអារម្មណ៍ធីងធោង
ការខ្សោយខ្លាំងរហូតមិនអាចឈរបាន និងផ្ដាសាយ ស្លេកស្លាំង និងបែកញើសខ្លាំង។
-
កូនអ្នកគ្រុនក្តៅលើសពី 24 ម៉ោងជាមួយនឹងជំងឺថ្មី ឬអាក្រក់ជាងនេះ៖ឈឺពោះ ក្អួត រាគ កន្ទួល ភ្នែកក្រហម
ឬវិលមុខ។ ទាំងនេះអាចជារោគសញ្ញានៃជំងឺ MIS-C ដែលជាស្ថានភាពទាក់ទងនឹងជំងឺ COVID-19។
តាមដានឲ្យបានដិតដល់រាល់ការប្រែប្រួលសុខភាពរបស់កូនអ្នក ហើយសូមប្រាកដថាអ្នកទាក់ទងទៅវេជ្ជបណ្ឌិតរបស់អ្នក
ក្នុងករណី៖
សូមទូរសព្ទ មុនពេលអ្នកទៅកាន់ការិយាល័យរបស់វេជ្ជបណ្ឌិត។ អនុវត្តតាមការណែនាំរបស់ពួកគេ។
ហើយសូមពាក់ម៉ាស។
បច្ចុប្បន្នជា: 28 កុម្ភៈ 2024
កំណែមាតិកា: 14.0
ការណែនាំអំពីការថែទាំដែលត្រូវបានកែសម្រួលក្រោមអាជ្ញាប័ណ្ណដោយ
អ្នកជំនាញថែទាំសុខភាពរបស់អ្នក។ ប្រសិនបើអ្នកមានសំណួរអំពីស្ថានភាពសុខភាព ឬការណែនាំនេះ
សូមសួរអ្នកជំនាញថែទាំសុខភាពរបស់អ្នកជានិច្ច។ Healthwise, Incorporated បដិសេធការធានា
ឬការទទួលខុសត្រូវណាមួយសម្រាប់ការប្រើប្រាស់ព័ត៌មាននេះរបស់អ្នក។