Kawm Txog Kev Rov Mus Ua Kis Las Tom Qab Raug Mob

Learning About Returning to Activity After Injury

Dab tsi yog qhov tseem ceeb kom paub txog kev kho qhov raug mob kom zoo rov qab?

Kev kho qhov raug mob kom zoo rov qab yuav siv sij hawm. Kev kho mob tuaj yeem siv sij hawm ntev dua li qhov koj xav tau. Tej zaum koj yuav raug ntxias kom rov qab mus rau koj cov dej num ib txwm ua ntej koj rov zoo.

Tab sis kev ntxhov siab rau qhov raug mob ua rau nws siv sij hawm ntev dua los kho. Thiab koj tuaj yeem ua rau koj raug mob hnyav dua li qhov qub kuj muaj.

Kev raug mob yuav kho tau sai tshaj plaws yog thaum koj muab nws so thiab saib xyuas tshwj xeeb li xav tau. Koj tus kws kho mob tuaj yeem pab koj paub thaum koj npaj tau yuav rov qab mus ua hauj lwm li qub.

Koj yuav pab kom qhov raug mob zoo tau li cas?

Koj tuaj yeem kho kom zoo tau sai los ntawm kev zam kev txav mus los uas ua rau nws mob hnyav tuaj. Nws tseem ceeb heev uas yuav tau ua raws li koj tus kws kho mob cov lus qhia.

• Nug koj tus kws kho mob yog tias koj tuaj yeem noj cov tshuaj uas yuav tom kiab khw, xws li acetaminophen (Tylenol), ibuprofen (Advil, Motrin), los sis naproxen (Aleve) tau. Siv tshuaj yam muaj kev nyab xeeb. Nyeem thiab ua raws li tag nrho cov lus qhia hauv daim ntawv lo.

• Muab cov dej khov los sis ib pob txias tso rau ntawm qhov chaw li 10 txog 20 feeb nyob rau ib zaug twg kom koj hnov mob. Muab ib daim ntaub nyias-nyias rau ntawm dej khov thiab koj cov tawv nqaij.

• Yog tias koj tus kws kho mob tau muab cov pas pav kom txhob txav tau, khub pas nrig txheem qhov tsos, los sis ib txoj hlua khuam, siv nws raws nraim li qhia.

Kev kho mob fab kev qoj ib ce thiab kev ua hauj lwm tuaj yeem pab koj kawm kom txav mus rau txoj hauv kev tshiab thiab kom kev raug mob rov zoo los. Yog tias kev tawm dag zog raug muab rau koj ua, maj mam xyaum ua nrog lawv. Maj mam pib txhua qhov kev tawm dag zog. So kev qoj ib ces yog tias koj pib mob. Thaum kojmuaj kev tawm dag zog txhua hnub, ua kom ntau zaus thiab ntev npaum li tau hais tseg.

Thaum koj zoo, nws kuj pab kom koj lub cev tag nrho kev txav tau mus los. Tus kws kho mob fab kev tawm dag zog tuaj yeem hais qhia lwm yam kev qoj ib ces los sis kev ua hauj lwm kom koj muaj lub dag zog khov thiab muaj zog.

Koj rov qab mus ua si li cas?

Maj mam rov qab mus rau hauv ib qho kev ua si ib txwm kom koj tsis txhob ua mob rau koj tus kheej dua. Kev ua raug mob rau lub qhov txhab qub tuaj yeem kho nyuaj dua li qhov raug mob xub thawj.

Yog tias koj rov qab mus rau hauv kev ua si kis las, maj mam ua ib kauj ruam zuj zus. Tus kws qhia los sis tus kws kho mob saib kev tawm dag zog tuaj yeem pab koj ua qhov no kom nyab xeeb. Pib ua luv-luv, txav qhov yooj yim los sis qoj ib ce. Tom qab ntawd maj mam ua ntxiv mus thaum lub sij hawm dhaus mus.

• Ua kom sov ua ntej thiab ncab tom qab ua kis las.

• Nres qhov koj tab tom ua yog tias nws muaj qhov mob.

• Thaum koj ua tiav, siv dej khov los tiv thaiv qhov mob thiab o.

Nws kuj pab ua qee qhov kev hloov pauv. Piv txwv li, yog tias kev ua kis las ua rau mob leeg, sim ua dua lwm yam mus ib me chim. Yog tias siv lub cuab yeej ua rau mob, hloov sab koj kev tuav los sis siv lwm sab tes.

Koj yuav tsum hu nrhiav kev pab thaum twg?

Saib kom zoo cov kev hloov pauv hauv koj li kev noj qab haus huv, thiab nco ntsoov hu rau koj tus kws kho mob yog tias:

• Koj cov tsos mob loj zuj zus tuaj.

• Koj muaj cov tsos mob tshiab, xws li loog los sis qaug zog.

• Koj tsis tau zoo dua li qhov kev xav tseg.

Kev rov qab saib xyuas yog qhov tseem ceeb ntawm koj txoj kev kho thiab kev nyab xeeb. Nco ntsoov ua thiab mus rau txhua lub sij hawm teem sijhawm, thiab hu rau koj tus kws kho mob yog tias koj muaj teeb meem. Nws tseem yog ib qho tswv yim zoo kom paub txog koj qhov kev kuaj mob thiab khaws cov npe tshuaj uas koj noj.

Tam sim no raws li ntawm: 19 July 2023

Cov ntsiab lus Version: 14.0

Cov lus qhia kev saib xyuas tau yoog raws li daim ntawv tso cai los ntawm koj tus kws kho mob. Yog tias koj muaj lus nug txog kev mob lossis kev qhia ntawv no, ib txwm nug koj tus kws kho mob. Healthwise, suav nrog tsis lees paub kev lav phib xaub lossis kev lav phib xaub rau koj qhov kev siv cov ntaub ntawv no.